" />" />" />

BATUPUEI (MATUPI KHOPUEI)

MATU RAM HAM KAM HLAH SIH

OMNGAIH OL


Hekah laa sai nadong ah a ka bom rhoek khocil rham laa ham la a ka bom kung rhoek tah,

Nu Awi Man

Nu Thim Hik (late)

Nu Cang Poek

Nu Tung Ming

Nu Ui Tlim (late)

Neh


Pa Thang Muel

Pa Im Khueh

Pa Ci Hlui

Pa Ik Hung


Neh

Mang Ngala Dup Ding


Neh


Lungding laa ham la aka bom rhoek


Pa Hol Thang

Pa Khawng Boei

Saya Ok La Bik

Tuem Sui Hing

Tuem Thim Ding

Tuem Rhai Muem


So ah omngaih nah a len koek ka khueh.

MATUKHOCIL VANG LAANEHLUNGDING LAA

MATU KHOSING HE PHONE A PLICATION NEH KHAW NA LOH THAI

 

MATU

KHOCIL VANG LAA

NEH

LUNGDING LAA

(REVISED EDDITION)

BY

RHOKAH SOMTHANG

 

OLRHOEK NAH

 

Mamih Matu rhoek he Pathen loh a nasuen vaeng lam ka loh singyoe he boeih ana khueh u van. singyoe long he hlang kah cueih nah thoem thai na neh Bawk na ben ah khaw a na pomsang he hmuh thai la om ti he ming ukoi nih then ni. Angen long tah singyoe he sungrhai ka ni a ti udong ah boeih hmata tih kothe ham la bahoeng om. Singyoe neh hmaih aka lo tah lum la he ni. Tahae kah hlang noe rhoek loh lumlaa he asak u vaeng ah hlang kah lum laa he ana vat u tih maih kah la he tah boei ana hma ta sak coeng.

Singneh yoe laa he sawt phai vaeng ah atah hlang kah khosak na he boeih an na tueng sak, khocil vang laa long he tah nupa kah pongpa caeh om nah hmuen mol he thin tloh na thai ham la n'cangpuei dong ah uem ham la cal la om.

Mah Matu Laa he pat boelsaeh tih la ngaih nah aom dong ah 2004 kum January ah he luhma cuek la ma la he kacoi tih rhen ah a toi ca laka sai. Tedae hatah avawt na neh a soep nah pawt he muep a om dong ah athai la koep sai ham la kacai nah ka khueh. He kah laa auk khueh thai dong ah he mah Matu rhoek kah khsak nah lumlaa ben ah rhoeng na koi la omni ti he ngaih uep nah ka khueh.

Hekah laa cauk dong ah he lum hma la singyoe laa (culture song) ka daek tih a paibae nah ah tah lungding laa (Love song) heh rham Laa (country song) he ka khueh.

KHOCIL VANGLAA(Matupi kah hlohlai lung)

16. NUPU HLAI NA

Kapuyung aw puyung nang ham la ka ti ah ka ting aihleng aikho kan rhaekma lah eh. Aikho ka sombong lah eh. Puyung aw n’tuei tah n’tuei aih boeh. Puyung aw a ting aihlaeng tha kan sum bong ngai buet ni aitang tah ka rhaekma ai buet ni, halvioei ko dang rhaen aih boeh. Puyung ham la ka ti ah aemdik cangsi khoitui hangnaeng khoivah hangcil taeng umtang neh a duh kan khaphing eh. Apa hmuen lung hmangbuek cangtha kuemden canngul a daeng ka yenkhing dingkat kandingloe sih lam tah khoivah yinthing ka thoeng ngai buet ni.

Puyung o nang mu loh na tue tih ang ko loh na yoem tih nan yoem tih ap imsawn halng nga tluk ka lo a bok ka hlai thuk a pil rhi loh n’hlueng n’lueng. A nam loh bnhuei n’huei boeih.

17. LUNGTUEN HLAI NAH

Lungtuen o apa hmuenglung vah kiboeng coeng. Tatak tah vah ka cal coeng. Lungtuen oe apa tuikong khoning tah na hoi na hoi coeng. Lung tueng oe lungtuen nang neh a daeng om thanna hmaih lah sih,. Lungtuen oe kho ning kho boe tah na suen nasuen na suen coeng. Lung tuen oe lungtuen nang he a hlo kodo neh duengyai dueng yai thana hmai lah sih,thangrhoh thakva cuipai dong ah omthen la sih. Lung tuen nang nang neh a daeng kai he a khuen neh tha na hmaih lah sih. A daeng thana ol a yaka ol a yak ah, duei dah bueng long khaw thana hmai tang mah pawh, pu noi bueng loh duengyai tang mah pawh.

18. THIMKALH HLAINA

Anu oe a nu oe a pa tuikong caeh rhum thim caeh nai noeng rhoi lah sih. A tuem tui kong rhoi lah sih. Rholoi mah cangsum rhoilah sih. A pa tuikong suili omthen a lak ah, khopaeh hamyoe a lak ah ka cui loh omthen a lak ah.

Apa Tuikong

 

PAYA HLAI AH

A puei aw yangong pueivan oe, kut at catlim rhoi rhawp sih. Kuntun tiktam hmaih lah sih. A puei aw yang coeng olkhueh lungsuem he tuithim olhong loh a hlang hlihhloeh sakboel saeh, koha hlanglang sak boel sih. Apa boeitai a thun tah tahmoi lungsi nang rhuk tuithoeng, kopoem toi ai hmaih sih. Ol ue ko ha loh hlanglang sak boel sih. Kirhuk tingsawn, kutat catlim rhoi rhawp sih. Olthui tiktam puei hmaih sih, a rhaeng ban lam, rhoi rhawp sih. Olthui kaha vawt vai vong voel sak boel shih.

A PA KHO HMUEN HLAI NAH

Apa hmuenlung laiphueng rhokdaeng, phungluen cangtoi, cangsoel ompi, koplalh cang phung, rhonu tham kom, kuemden cangtha, canghmuet loh tui buem, cang ngol loh cikngae, cangdi loh liploep, cangkho loh yungping. Potaeng yilmoe thingkung tiktun canglak maidawn, cangthum kunghing, painoi ankhung, pomngaih paithai, cangtun kuemloe, maihnah phoehnoe a pul nah. Apa hmuenlung ka hmuenlung tuipan loh cangyok, lungbok loh satkho, capu lunghli, tuiloei loh lungtang, likma ah imhmuen, a cuek nai tuem kah bangla khaehkhaeh ka hil koep lah sue tuektuek ka lan koep la sue. A pa hmuemlung khonu thamkom, tuida canghing, hingdik mu kayoem koep la sui tih, khoto loh cin oeng sut bal lah sue ka ti. Mangpa thui mah ka yun pawt koi nih, a pa hmuenlung te tuektuek  kahil sui tih saivai hninat atah yong um ka thaihsu van sue, lung thae ka ca poem van sue. Tahae atah a pa hmuelung te mingpawt kholi ah  tamat hnuk kavai na rhuet ah mucih rhaeng ka hloem na rhuet ah, kho taeng lingoi  sakhai yukyak loh   nambueng yung im han sawn tih a   pa hmuenlung te a khuen hmuenlung ni a ti vik.

5. MAEH KAH HLAI NAH

 MAEH KAH HLAI NAH

 

Apa tuikong ka lumdawn aki pikpoel, thingsong baekping, cangkhawt kitlang, acang lungki ben, ngai daeng thang ki song a tah, apa tuikong catum a pa oei, lunyak thang ki then sak. Sali loh a tun van dae, a thlo ham la ka ti ah ung hluep ngakho hnaih han huem a rhongput loh a thoeng atah laem hlah kanga pam coeng. Apa tui kong, laklai sithang, lum sih loh tangnaeng, lum aek loh rhik tih. A pa boeih tai, kho taeng long khaw a hil boeih. Tui tunng long pa taeng khaw a lan boeih. A pa tui kong khotuk oe sungvan, tolcoeng oe rho poem, lung poem oe cang daeng, kho tom van li ah, rhang rhaeh lo cacun. A pa boei tai loh, a khuen kai tui kong la sue ti coi ni. A pai tui kong ni rhongpai thing ka rhoel nah, kho tuk sungvan a haeng sakhi ka toe nah. A daeng tah ki roep tloe, a hlo tah ki then hlang. Ya oe dangda tuili rhangrhaeh hnuk kivai koep la sue.

LUNGPOK HLAI NAH

 

Kiput oe a pa tui kong, kirhang hnuk kavai nah rhangrhaeh hnuk ka dawn nah. Apa tolkhoeng ki put oe, a rhing tue ah ka rhing sak a cai tue ah ka cai sak, ki put oe Busue, lam ko neh cunngki, a yam cing tang, tlam som rhui rhui a ka dueng molpa voel voel aki buk, tho coi ni thocoi ni a long hoep hoep tho coi, lang aep hoep hoep tho coi ni.

 

 

LUNGPOK HLAI NAH

 

Kiput oe a pa tui kong, kirhang hnuk kavai nah rhangrhaeh hnuk ka dawn nah. Apa tolkhoeng ki put oe, a rhing tue ah ka rhing sak a cai tue ah ka cai sak, ki put oe Busue, lam ko neh cunngki, a yam cing tang, tlangsom rhuih rhuih a ka dueng molpa voel voel aki buk, tho coi ni thocoi ni a long hoep hoep tho coi, lang aep hoep hoep tho coi ni.

 

LI HLAI NAH

 

Kipom nagaih oe apa tuikong kirhang hnuk kavai nah, rhang rhaeh hnuk kidawn nah. Apa tuikong kiput oe ka pomngaih oe paai cungpoel, tilik ngalsen unghae sakhi kidawn nah. Kihai oe, lirho, cikham oe lithang, pongaih cungpoel neh a pa boeitai lunguet khaw ki dawn nah kilung awn khaw ki hloem nah.

 

 PUEL HLAI NAH

Apa puel thang, rhabang samkhui, puelrhim loh laehyai, thuihawl loh kahso. A boei oe cungkuem, a pil oe cungboeng. A thawn ham la a pa puel thang kah ungnoi ngaphoeng, lunghuem muti neh , baek rhep cangmai, lungkang ka baek nuei pah lah sue.

 

YUSUK SAELPAEL HLAI NAH

YUSUK SAELPAEL HLAI NAH

 

Ka boei oe boengvoei samtoe, yongtal thaehhing, lumrhui ka dueng, lumthawt rui ka sol. Lumnga rhui ki sui, si im khaw ka bunglawn, yongtal ka rho pae van coeng. A khuen lumdawn cangkhawt ka um, si noe khaw ka noe van coeng. Ka tun suinuen, thang ang vahuem a pa som thang ki oingaih oe, oidong ah ka tha ve nim. A pa soithang oingaih loh ho tang mah pawh. A pa umthang cangkhaeh loh mu uem, khuilung yithue, ka  buk kan taeng sak lah eh, bumbatuipam kan ya sak lah eh.

 

 SAEL SIH HLAI NAH

Ka nang oe sihthang, lumnu pawkpawk a thoeng nah, pai-ah yawtyawt a voei nah. Ka lum oe khombok maipai, pael pueh a mah m'pha sak.

 

RHAI LAA LA A THUI UH RHAIPAI LAA

 RHAENGCIK HLAI NAH

Rhaengcik aw, rhaengcik aw a pa hmuenlung cangkhaeh long tah rho hmin coeng, rhaengcik aw, a bawt bet pueng nim ka ti ah khocil neh na thoeng hmaih,  molpa neh na voei hmaih. Rhaengcik aw laiding rhaengkhaeh rhaengcik aw.

Rhaengcik aw, lai ding rhaeng khae rhaengcik aw a khuen suinuen subuet ah kan yom eh, rhaengcik aw kadan rhaengtang rhaeng cik aw, lai ding rhaeng khae rahengcik aw,

A pa va nuen tahong rhotlaeng vah dangah ka than eh. rhaengcik aw laiding rhaeng khae rhaengcik aw, a nu pumting pumting mah n'thui puei lah, sating mah n'luei puei lah. Rhaengcik aw na maiboh ah n'koep sak na phae hlip ah n'ying sak. Rhaengcik aw a tuem manu banglam nim tungkha hnimuen a  nak didu  van nim, A thim manu bangla a laem na ipuep van nim. Pumting lingoi bangla caehthen na langdai van nim, a thim manu bangla hawnkaeh cakva na langdai van nim. A buen na rhaihing van nim. Khonoe anmi hollung na sakthen van nim.

Rhaengcik aw a pa hmuenlung , lovang long tah aengnoi coeng, bawt bet pueng nim ka ti ah a pom vinkui neh hi cil cang ka boeng van pawn ni. Cang kung loh khumyip atah a pa hmuenlung neh tuiphih rhaboe bal pawn ni.

 

 HULA HLAI NA

A tuem manu pumting aw ka paem rhohing kapaem rho bangyah okhueng kan tael eh. A tuem manu rhohnaih aw, pom ngaih rhokkung kan tael eh. Rhocek lan hing boeng ngaih talae ka ti na eh, a thim manu bung kho aka oengtawt, thim kho na boeng sut. Thim manu ka pomnai tah ka pomnai pawn dae dae ka sa ting tah ka sa ting pawn dae pumting nang loh tuei laeh na tue thil. Pumthoeng nang loh koyaeh nan khong thil. Mingpawt thaih nim na  boeng ve boeng vai a nim na sam toe ve. Na cung dueh neh thoel ne na maehlaep neh n’yai ne. A nu phungtueng tui mal kan lungrho sak mahpawh vangvue a khaw kan kohnue sak mahpawh. A tuem manu a nu phungtueng sa ting neh kan nan na rhoi koinih, pomthoeng neh m’mong mai koinih, tingsawn yilom tah yilpah ka hlang mong mai sui tih, hlang om ko ka longtlang sui dae. A nu a thawn lakli ah nueihbu poelpoel ka thui tih lolmang poelpoel ka taeng sui dae. A tuem manu tu atah a thawn lak li ah tangyah hmai buem lungnat ka thi sut.

A tauem manu ming pawt rhai nim na boeng tih thuitung rhai nim na caeng atah na lungpoek tingsawn loh, paili lungrhong a nim an thal sak ve. Athim pai ah cangnim n’noe sak vae. Tu atah paelpueh boeih mang na taeng coeng. Pu lak lam tah na ngol coeng, puhlah lam tah na pai coeng. A thim manu lum hla thaelyol luting sael vong lumhlah ngapam lak ah na om coeng.

 NUNGAK HLAI NA

Tumding aw a pa tuikong sokpaem rhohing kai tuem o tumding, a pa tuikong kah ka lak oe rhothang ka mai oe rho la tumding oe nang kah olha tah, dingding la na yol singrhoel tah tloeptloep na poeng. Tumding aw a tuem oingaih n’taeng puei lah, a thim laak ah n’ thal puei lah. Tung taengah mah n'tla puei lah, tumding oe ki daeh oe singrhae kah, ka thaem oe canlai kah, rhoting lanhawn rhova lanthen tumding yilka tah dingding na yol het mah. Tumding aw a nu potaeng thim im mah n’luei puei lah. A pa khoyung lunmim mah n’lan puei lah. Tumding aw tapca paelphoeng nueibu a thui ani kho tah  a taeng. Lolmang a taeng a ni kho tah a toeng.

Tumding aw pumting rhai ka pin atah, pumthoeng rhai ka boeng atah olha thaitae te kuemsuem pawn ni. Athawn oe lansak lakli saidik laklo ah nueihbu ka thui pueng poek venim. Kai tingsawn rhui ka thawn pawn tih oingaih ka poehla atah, a thawn rhukkhuen ka kuemsuem pawn ni. Tumphai rukom oingaih tah kan dal tak pawn ni. A nu rhuk oh a kong tah n’tui rhal a lak tah n’tui long coeng.

 

PHUNG HLAI NAH

Kai tum phung rhing laidong phung la kai taem oh loh dingding na yol sing hawl tha na pong ka tum phung ding lai dong phung la ka tlang tloe im lu, thinrhaem mah n’caeh hael puei lah. Kai oe koen koen tla tuicill honang phungthen luem oh neh lung doep a yai tih tuicil hongna tum ci ho ngai.

 CADONG HLAINA

CADONG HLAINA

Acuek nai tuem rhoiding aw, apa tui kong rhaengsi man cong tumsia ah kong tlang, ngulbuel a na pang dong sih, ngolpai a na tui hai sih. Apa tui kong kung ca loabngtlang ah ding tawn rhai thang litum vang pong, rhaikoh na cung boel sih. Rhai kut ana cik ngae sih.

A pa tui kong rhaesi ah man cong a bol ah van li taca ah long tlang cihaeh ah lugn ngol lung thoeng ah porhul lasai ah khovil rhai im loh thohli coeng. Thingpan laikai himca thim voel rhaikit bomlum thing sam lingyen rhai sueng muemthen omthen coeng.

A cuek rhuinuen ka rhoiding aw hlaim ca thimvoel thign pan lai kai, rhaikit muemthen neh bnom lum hmai lah sih. Thign sam ling yeng rhaisueng neh muemthen hmaih lah sih. A thangrhuinuen ka thang hlo a cuek rhuinuen rhoiding aw, thing dong cangmai tlangkaat rhaidueng thingtom rhaivang, mintom rhaithak, dupding rhaiyuel thinglak mupoe neh ta noe kung ding hmai lah sih.

A cuek rhuinuen ka thang hlo te tungkah hnimuen nakyong tung phai na doeng phaisuneg bugnpuei rhaek va khopang laemthim rhaemphai muthai aeldong pomtang honkaeh a laem ka dueng hil thi eh.

A cuek rhui nuen rhoi ding aw bungtla caeh then caehthuim ka vaehthen thil eh, hawn kaeh cakva hui ha lu pong yopin sam khoi, khonoe an mi honlung kan sak then thil eh.

A cuek rhuinuen rhoiding aw a thang thimpai dangda bungmuem van ah yiyae tlaih boel sih rhaikit tiktuem thumkak hmailue a ni noeng sih. A cuek rhui nuen rhoiding aw koldang bungmuem cuipai bungva thawngaih la ka nuen la eh, ki thawnyong ki hlue lahj eh. Ayoe ham pa taeng khaw rhaidut loh cuhu rhaiyoe loh pokyol. Kutmuem tikti rhaikit ka muemthen sung muem ka ui la sungpai ka tlathen ka ka tun tingsawn tolpai ka kining boel eh. A cuek rhuineu rhoi ding aw, apa tui kong soingaih loh tui poek lah sih. Kai tun ting sawn laitaeh suithai neh kai sih rhong o hon koei vohban maiphu cang neh toldak cang ka luek koep bal lah sih.

Ka rhoding aw a thui loh tiktam rhoi ngaih sih a rhang loh ban lam rhoi lah sih, tung boh lo tlaeptlaeng rhoirhawp sih, tuitun loh niolong lah sue, humtun loh n;cui la sue. Ka rhoiding aw thing koehn lung mong tak boeh putting pa bae n’thui tak boeh, pumnasi patoeng n’taeng tak boeh. Ka mue umtang ka haeh sung tue ka pai bung muem ka ding tuek kan hluei hlah. Ka tol pang tang hlih rhaila ka boeng eh, hluei tuem daeng ka ka dawn lah sue. Ka rhoiding te thim kut ka cai cin la cue sue, hnuksam ka lingven la sue samding ka tu koei la sue.

Ka rhoiding aw kuttk loh hloh hlam boel saeh dongmet long cing huei boel saeh, ka yaeh long tlang ka va dueng loh ak hma, ka va loh tong ngai dih.

Ka rhoi ding aw boeui mah n’taeng puei lah pai ah mah n’lawn puei lah pael puej mah n’tleong puei lah. A tlum huk mah tloe puei lah sih. A pai thum mah noe lah sih. Phakpuei cang mah sa lah sih. Rhilnu buh mah yoem lah sih. Rhangkah a mah n’lawn puei lah.

Ka rhoiding aw cangbah pom tang ka pom loh ka hlong boel eh. A pa khai thang cang puk lak ah ngol lah sih, paitum lak ah pai lah sih. A daen kho te ka tuei moe nih, a hlo te ka lawn moe nih, umlawt caha vaeng ah, thailawt ka rho poem vaeng ah lugn duek ka thana vaeng ah a thang mueihue ka sam dueh loh n’ sol sut, thinboeihn loh ka duengyai sut, yungphok ka tairhi sut a thang ol he nen ni yungphoeng thing hong he ding kho ka sum na tih hlo ko ka nai ka noeng nah.