" />" />" />

BATUPUEI (MATUPI KHOPUEI)

MATU RAM HAM KAM HLAH SIH

MATU OLTHANG

TLAP NAH

 

Batupuei Search

 

view:  full / summary

MANGTUK UH LAH SIH

Posted on August 21, 2011 at 5:40 AM Comments comments (0)

Hlang boeih loh mang he aman. Mang a mah tivaengah mimang tingaih ke moenih. Mang ka thuingaih tah tahae ah mah rhoek loh (vision) khueh a ngoe coeng ka ti ngaih. Matu cako he diklai hlang laka li ah kho sak he nang nu muei pa mae balae tila hlang tloe loh dawt koinih balae n'khi poek eh.

Matu cako kah numuei pamae khuiah pakhat aka om vantah sael he pawn coi ni. Sael sawt mai lai vaengah atah ba lamkhaw om pawt dae poek het vaengah a tah Matu  Khosak neh sael paek thai la om pawh. Sael loh matu rhoek taengah ol muep a thui. Matu rhoek kah dilai social life neh religious faith ben ah khaw poek het sih tikoi nih sael he ol puei koek la om van.


Olcuei dongah Sael kawng he a thui


Matu cako loh a ca a na a rhaengtuk thaihawn vaengah sael nen he a thuidoek tih a thui khaw muep om van. "Sael hlang na mingnah coeng", a ti uh. Hlang pakhat te amah pai hmuen ah mature hlang la a om coeng atah "Sael tang hlang tang khaw"  a ti uh. Te phoei hlang loh a khueng koi ol tang ka tang thui ham dongah khaw " Sael ol hlang ol nim a ti uh" 


Yancil dongah khaw a thui

Yan vaengah Cang Aeng neh Yongbah kawng a thui vaeng a khaw a pu Tong Hung kah sael aka dawn kawng he a thui. Cang Aeng kah a va long tah sael athen la a dawn tih a bung a hah sak.  Yong Bah loh  sael dawn te a sawt a sit dae a huep a tah boei tila Cang Aeng loh a ming a hnuk a tah Zong Bah loh Cang Aeng kah a va vi a rhawt pa kawng dongah a khaw sael kawng he a thui uh.

Te lam kah cadah nu ca loh a lam kawng, te phoeiah yusuk  ah Va Hlo vango kawng dongah a khaw sael kawng he hmuh thai la om. Te dongah yan lam kah Matu rhoek kah khosak ah sael he a om pawt atah coeng thai pawh ti la tueng thai.


Khosing dongah a tueng sak.

Matu rhoek loh a sang koek la a khueh tah yusuk saelpael he pawn ni. Te vaengah sael laa he a sak u tih

[ Ka nang oe sihthang, lumnupawkpawk a thoeng nah, pai-ah yawtyawt a voei nah. Ka lum oe khombokmaipai, pael pueh a mah m'pha sak. ] a ti uh. Te phoeiah khaw sael te thangpom nah ham [ Ka boei oe boengvoei samtoe,yongtal thaehhing, lumrhui ka dueng, lumthawt rui ka sol. Lumnga rhuiki sui, si im khaw ka bunglawn, yongtal ka rho pae van coeng. A khuenlumdawn cangkhawt ka um, si noe khaw ka noe van coeng.]  a ti uh.  te lam ka loh hula rhoi a nae a nam tih khat neh a loehlang vaengah a sak khaw sael he a phu tloh koek la a khueh tih

[ a thim manu puei van tah olan pavau a phu tluk oe tluk, ka mah tah saelnu ting ting oe ] a na ti uh. Matu cako loh saelpaek tih khongyu a thoh thai a tah digree a sang koek tluk la ana poek uh.


Khosak dongah ( In social Life)

Matu cako loh khat neh khat hutai la coeng ham moei a boh vaengah khaw a sang koek la sael ana khueh tih tenen te paipi a cak sak uh. Te lamkah khat neh kut kho tholhdalh a tah sael neh moeithen a na sai uh. Te phoei lamkah tung pa khat loh a yu samphai tak mai tih a hlak a tah a sang koek la saelnu neh ol a rhi tih hnuk khaw a sah uh. Im khui kho ah lucik pai tih tlohtat a rhung a tah sael he boirhaem a sang koek la a khueh uh. Te dongah sael he matu social life neh paekboe thai pawh ti he tueng.


Thothuengnah neh Bawknah ( In Religious)

Matu cako loh yanvaengah thothueng vaengah khaw sael neh a tho a tueng yawn khaw muep om. Imkhui kho lucik pai tih tloh a hung vaengah boirhaem la sael khaw a rhaem uh. Te lam kah duek vaengah khaw sael khuiah a longpuei dueng saeh tila sael khaw a ngawn pa uh. Matu olcuei dogah a thui u vantah " A hing khui ah sael aka pael pawt he saelkhui long ah vaiku hawn a yil" ti la a thui uh. Saekhui long kah rhaithak kung dongah sael neh rhamsa a pael uh uet ah rhaithak kung pet dalh a caeng coeng tekah rhaithak te pet a caeng atah diklai kum pawt ni a ni ti uh.

Yan kah sael dawn

Yan vaengah sael dawn long he kohong sael te a dawn tih hlaem takuem ah im la a vai. Im a pha sael a kungmah kah im hmui vongtung khui ah a up pah. Te phoeiah sael khueh long saeldawn te buh khaw  a kok mai, cangyen khaw a poep pah phoeiah kum boeih ah cang a sang pah. Te kah te  a yoei la pat ka thui. Tahae tue a tah im la vai te om voel pawt tih kohong sut hlah sael dawn khaw a tuek u van dae tekah sael dawn long te May - November hil ah daw a dawn. Lungkaeh khaw a then la a tuh a tu moenih a ming pawh.

Sael neh Dumlai

Sael he Matu cako rhil aka tom kung la om, lai aka sah kung lam khaw om, ming then aka pae kung lam khaw om dae a then la dawn pawt tih ko hong ah sut hla vaengah atah lo im toi an aka tue rhoek hamsut rhai. dum khaw  a then la sai u thai pawh. Te phoeiah tahae ah a ngoe pawt ah sael aka hma khaw muep om coeng. Pakhat ben ah sael Matu cako kah rhal pakhat bang la vik om.

Sael kah khoboe

Sael he sawt vaengah amah bueng lakah ah a puei po neh a then la ka om he yet ngai. Tun tun om uh. Voeikhat ah Madu ram ah ka ceah ha tah sael long he im la lungkaeh hampan tih imkung loh lungkaeh a tuh. Te phoeiah kohong la koep cet. Te phoeiah bal ah Paham Ci Hlui loh Dungim sok ah sael ham im a sak tih lungkaeh vawk a poep pa hatah sael long khaw a ming tih a im la lung kaeh rhawp a pan te ka hmuh.


Sael loh khodaeng a ming

Barhan loh Kaisi, Lungkhui, Lungtang Ngan, Patlang paengpang boeih he boeiva luem nah (စာက်က္နယ္ေျမ;) la a khueh. uem ham bahoeng om dae khohal a tah sul a om pawt dongah a caak ham rham om pawh. Te dongah sael loh hlang kah dum ah dingki neh a tloe sul hing a hmuh vaengah a nai tih vong a muk coeng. Te lamkah saelkhueh neh lo khue te tingtoeh u rhoi tih moeng u rhoi. Matu ram ah  (တရားရုံး;) ah lai a yet koek a thui u tah sael khueh neh lokhueh  kah lai ti la juri a ham ca pakhat loh a thui.  Te dongah ah sael he Matu cako kah daeng a duel kung la om voel kolla thunkha aka sai la vik poeh. Te phoeiah Matupi lamkah 3 mile tluk a hla Kingsing khomin ke sael neh boeiva rhoek ham rhal a len koek la om bal. Ke kah kingsing lai neh tui ke a al dongah sael loh a ngaih ngaih tih kum ta kuem apan vaengah khomin neh long loh kum takuem sael he a khuen. A yol koek kum khaw 10 neh 20 lak lo ngawn tah khuen coi ni. Tahae kah tangka sael phu neh thui koinih kum khat ah Matu  rhoek kah tang 2,000,000 neh 4,000,000 ngawn tah khomin loh vawk a khuen ti ngaih coeng ni.

Ulae Laikung

Hekah thunkha aka sai u lae laikung. A tak tak atah sael moenih hlang ni. Hlang loh sael kah a luem nah hmuen neh a buh an sulrham te boeih boeng dongah a bung pong tih hlang kah lo im a muk.

Saelkah hmai long

Sael he a then la dawn thai atah Matu cako kah bungpuei aka com la a om dongah a then la khoem ham then. Te phoei sael he khohong ah sut hlah vaengah sael khueh rhoek loh kum takuem sael a tlap vaengkah kut a poei keh thui koni sava voel moenih. Matupi station ah sael aka khueh keh hlang sawm nga mai saeh. te long te hlakhat vai vai  tah sael ham lungkaeh a thak uh. Lungkaeh vai a thak vaengah kut 2 ngawn tah poei coeng. Te kah sael khueh boeih loh hla khat ah kut 100 tah poei ti ngaih coeng ni. Tekah kut te tahae kut phu tungpa kut la thui sih ti koi ni 3000000 hla khat ah ting thum, kum khat ting sawmthum tluk boeih ti ngaih coeng ni.

Khopoek pa van sih sael loh lungma a ming

Sael he a ngen long tah vong khoep tung vetih vong up ah luem mako a ti. Te dae he khaw poek vaengah sael he lamlum ham ni a om coeng. Te dongah me tlam ti lah eh. Shui tang taeh bang la sael he lungkaeh a poep nah hmuen tah rhawp a pan dongah Matu station kah sael a khueh ke tahae Patlang lo a hmuen naep. Ke ah Matu kholong tui va neh NGO longkhaw sael ham parker bulding balh khueh koinih then ni tila ka poek. Te kah hmuen sael im te a om phoeiah sael ham hnin takuem lungkaeh poep la om ni. Lungkaeh te vai hna voei a  laeh a tah lungkaeh a om na hmuen te rhawp pan vetih sael aka khueh loh sael sawt khaw a tha yoei ni. Kingsing khomin loh a khuen khaw bet yol ni. Sael tlap ham khaw yoei ni. Tahae ah Bol kah aka om rhapkap rhoek loh sael ham lungkae sut a poep tih lungkae aka pan sael te vawk vawk a mom uh tila sael comitte pakhat loh a thui. Tekah sael a om neh tahae ah 40  hlai ha lo coeng a ti. Tangka lamkhoi ting 100 dalh a pha pawn ni. Hebang na poek vaengah sael he a im khang mai parker building khui lungkaeh neh a then la khueh koinih hmai ben ah ram tloe kah torist long khaw a sawt thai ni. Matu ca ko mueithen lam khaw om  ni.

THIN KHENSA (Liver Cancer)

Posted on March 10, 2011 at 8:50 PM Comments comments (0)

Thin Kensa (Liver Cancer) Kawng he Dr. Aung Htang kah a thut te Matu cako loh ming koi ham ba hoeng a then dongah ah koep ka tueng sak.


SayaDavid kah tlawhna he thin kensa (Liver Cancer) tila siibawi lawng a thui.Bangkok siiyung hil ah a ceh pui poen de, hoeikhangna lawngpui awm tlaih nawhtih avan mel pui koep poen ni. Saya David he Sarawh khawh yuu khawh aw nawhtih, thin kensa tlawhna he khueh tang manawh tila poek hamkoei la awm de,youthee ah amah he VH-B (Viral Hepatitis B) a khueh dongah ni a thin te kensala a coeng pe poen. VH-B he hlaang khat oen khat laklaw ah a kat hamla yoeitangkiik tila sibawi hli lawng a thui. Soutui, mikphitui, tamtui kalawng patengtlawhna kat thai tila a thui u. Kawl ram ah VH-B dongah aka duek hlaang khawcava tlaih nawh. Tede, VH-B hamla vaccine he awm. Tekah vaccine te VH-B tlawhnaaka khueh hlan hli lawng na kah u atah, VH-B mii te na pum khuila a kun vengahtlawhmi te a duek sak ai.. Tedongah, vaccine he na kah u ah theen ai. VH-B napum khui la a kun coengah tah a hoeihna lawngpui awm tlaih nawh. VH-C he khawhthin kensa aka coeng sak thai virus tlawh mii pakhat la awm van. Tede vaccineawm hlan. Vaccine awm nawh de, tlawhna a kat  bet rai van. Thii kalawng nia kat yahawh ngai.

(VH-B vaccine a loela kaat u tila kan yaak sak u.)Voei thum na kah hamla awm.

Lamhacuek na kah coengah apabe te hla khat coengah na kah ai. Apathumna te hla thumhla li coengah koep na kah ai. Na kah hlan ah na thii khuiah VH-B mii awm oenawm nawh te na tlap lamha ai. Tlawhmii a awm nawh atah na kah thai poen.


MATU OL THEOLOGY YAKMING NAH

Posted on November 8, 2010 at 10:35 PM Comments comments (0)

Matuol la Theology Yakmingna

 

 

Yan ah, German hoel khosoih(priest), Pathen hlaangcueih pakhat loh Pathen Ol tak neh lu ana voeih, ahingna ana paeek. A hingna, a khosakna, a cueihna neh a pong a thohna boeiboeihte khaw a paeek bal.  Amahkah a hmuhna, ayakmingna, neh a saithaina boeiboeih  tekhaw  a pilnam hlaangmi hamla yakmingna athai aka khuenkung neh aka tlaik aka vongkung la om tih ol pakhat khoem hamlaka om van tah: “Pathencueihna phoei-ahlumlaa ben he a sangkoek hinyahna hmuen ah ka paeek. Next to theology I givemusic the highest place of honor.”  Pathencueihna hetah  Pathen kah rheenna ni, tekah rheenna te JesuKri dongah tueng tih hlaanghing kah bibi lakah a phu om ngai. “a theology that rested on God’s graciousactivity in Jesus Christ, rather than in human works.” Martin Luther loh aka hing Pa Pathen a hingpuei tih Pathen a hinyahna koek tite a ca thut boeiboeih a hingna dongah sawtvaengah ming thai la om. Tahae rhoeng thai (theologian) rhoek bal longtah yankah Church Fathers, theologian, hlaangueih boeiboeih kah poekna te voeihbangtlang, khoe bangtlang hamla om coeng. San, a tue a can neh a vai uh thae layakming tih, Bible kah a thuingaihna he a thai la pan tho vetih thuicaih ham angoe coeng tila cabu cabael neh journal dong ko-ah hmuh thai la om. Hlaanghingkhosakna hninrhoek a tholaengna a om van bangla poekna thinko he a thaithai lahan coeng hang tih, diklai cueihna loh Pathen rhihna pawh thinko, aka hingPathen he om coi aa, tila daawtna neh poekna he ana pung hang. Theology dongahtebang cueihna te ha pung hang tih cueihna loh Pathen rhihna thinko om voelmueh la ngaihna bangla ka sai thai tina lungbuei aka khueh (theologian) ana uh.Tekah cueihna long te hlangboel te pathaeng payang la thinko a paeek tih, athaithai la yaming ciim aka pae van khaw toektoek ana uh van. Bible he kum akasenkoek cabu, neh Krih ca rhoek kah ana hingna lungnu la ana om hang tih, canghamla rhoerhoe la a ngoe van. A ngen bawkna (Buddist, Muslim, neh Hindu etc.)bu long tah Judah rhoek kah kho khuencil, te Krihca rhoek loh ana hingna uh, acaang uh tila poekna te a khueh uh. Tekah caangna loh banglae hlaanghingyakming ciim a paeek? Krihca la in om dongah meekna om coi ni tila hlaangkhatsut long tah a poek uh. Tedongah diklai dongah hlaangcueih mueh a na om tihtheology kah yaakmingna uh te a dangah a yol so uh lasih.

Robert A. Heinlein loh a thui baltah “hlaang pakhat kah Pathencueihna tehlang tloe patoeng ham nueih ngakna la om. One man's theology is another man'sbelly laugh.” Theology loh hlang khopoek a vuel a vaeek, a tho a laeeng, ahnuk a hmai la hlaang lu a kil sak tila a yakming dongah bungrhil a tlohna hil nueihngakna la om tila a thui.

 

Khopoekna (Phylosophy)  ben ah a dungkoek aka pae thai van, theorysaya, neh cathutkung AlbertEinstein loh “Pathen cueihna loh a theenna ng’ laksawng tih, a thae tah a toel a thamtihe ka taangna pawh. I do not believe in the God of theology who rewards goodand punishes evil.” Pathen loh a theen tah a sai tih a thae tah a thi nahtila a yakming dongah Eistein loh Pathencueihna (God of theology) boeiboeih he katangna pawh tila a thui.

 

Neo-orthodox loh a thui bal tah“theology” boeiboeih he Bible longah ha thoeng tih Bible te ni a kungpuei la aom. Bible ol boeiboeih he Pathen oltak la ha coeng. Neo-orthodox longtah(subjectively) bueng la a tangna la om. “the Bible as becoming the word of Godoccasionally and subjectively, but it is not the Word of God objectively.”  Liberal Critic rhoek loh Bible dongkah olboeih he hlaang hing kah a soepna pawh, a palhna muep a om dongah Biblekhui-kah ol pakhat rhip te Pathen ol ciim  la om thai pawh tila ana  pom. Tedongah Bible dong kah ol boeih he soepcoeng tila thui thai pawh. “the liberal view holds that the Bible contains theWord of God and the neo-orthodox holds that the Bible becomes the Word of God.”Hekah poekna boeiboeih he Karl Barth (contemporary theologian) kah poeknalongah tong uh tih, Liberalism la ha pawk hang. Liberal theology aka pong rhoekloh a tloe theology poekna te oelhna a paeek tih, te kah oelhna boeiboeih loh Biblehe Israel phun kah history te khotlaak, khothoeng kah hlaangcom hlaangci lohPathen ol tila pom hamla tueng tila tueng ni thai la om pawh.

 

Titah, theology he hlaang kah poeknamailai nen aa ana poek uh? Pathen loh cueihna a paeek tih Bible khui-ah ka omboeih te ngaihna bangla thui thaina nawl om ti poek eh? Theocracy la a omdongah Pathen mah long khaw hna tlaakna om tila peokna ka khueh, ka pom hlaanghe ana om uh van bal. Pathen hlaancueih rhoek kah a pomna Bible kawng nehtuukkai tih a yol thui bal lasih. Diklai dongah hlaang a yet koek loh a ngaihkoek, a lai koek, cabu hetah “Pathen Ol Ciim Cabu (Bible)” he pawn ni. Bible hetah BC 1400 tong tih Pathen kah hlaang rhoek loh thut tila ming la om. Tekahhlaang rhoek te Pathen loh a tuek tangaak aa tila ol daawtna a khue uh. Biblecaa ka thut hlaang boeih he vang khui kah hlangmi loh a pom dong ah tetehPathen loh a hnona hlaang tila ana thui uh.

 

A sokah catlang te olrhoekna la omtih, saawt vaeengah diklai hlaangcueih rhoek kah hmuhna neh a yakmingna pataeeng“theology” dongah poek ham koi moeh om. Daawt ham koi kakak la om. Diklaidongah theological hlangcueih a thawng a sang, poekna a hloeh, oengna a hloeh,neh yakmingna a hloeh dongah bawkna bu sava pawh, Krica rhoek  lu ana voeih, a ngawnna uh thae hil la ana om nahuh te Krica khokhuen cil longah ming thai la om. Theology loh yakmingna ta-aep  ng’ paeek van bangla ta-aep khaw daawt hamkoite hlaangcueih rhoek kah poekna loh ta-aep a tom a thap thil tih ta-aep la a saangsak hang. Teteh ‘Theology’ kah a thuukna la om. Theology kah a thuukna hediklai hlanghing hamla tah bawt thai pawh hno pakhat la om. Matu ol la oengnaneh tangna kawng he theology neh a tuukkaina la so lahsih. Pathencueihnaloh  hlaanghing  oengna pathaeng payang (incommode) a paeekbangla om tila a ngen hlaangcuieh rhoek loh a thui bal. Bible dongah oengnalongah duengna (justified by faith) la a pawk  saktih  duengnalongah ciimna la coenghang. Logically la thui vaengah Matu hlang kah poekna loh thuem ng’ ti thai eh yaa? Tangnalongah oengna la coeng tite Bible kah cangpueina ni. Tangna longah oengnahacoeng tite Matu olcaeh neh poekna dongah om vai aa? Yan kah nu pa rhoek kahpoekna dongah om noeek aa? Thuem ng’ ti thai eh ya? Matu ol he (ontology) nehpoek hmaih vaengah  om aa?  Oengna (faith) neh tangna (belief) ol panithe, theology la thui vaengah na tangna pawt atah oengna te om thai ehyaa tiladawtna om bal. Oengna a om pawt tah tangna khaw om thai van pawh tingaihna laom. Oengna loh taana ben la a hoi tih duengna ben neh ciimna ben la a tuengsak. Oengna a om coeng atah ngai-uepna hil la coeng hang. Oengna loh matlamlaebi a bi nah thai tite taangna loh yakming sak thai la om. Oengna neh tangna kaha hlaeina; (Faith is information, Believe is what we do). Pathen loh Noahtaengah a ol paek bangla Noah long khaw a tangna tih tuiliipuei dongah ka ngolthai im a sak te Noah kah “oengna” la om. Hlang pakhat loh bomna a om mueh laBible saengim kai hamla oengna (by faith) neh ka lo tih. Saengim ka kai hamlaka ngaih ati. Saengim kah aka boel ka rhai kung (Administrator) loh kaimihsaengim tah tangna nen ni bi ka sai tih nangkah na tangna te han thui luhma lahtila lat a dawt. Tangna a om mueh la oengna te om thai van pawh (Faith is beliefwithout proof). Bomna om tangaak tila a tangnadaengah oengna neh ka lo tila thui hamla om.  Hekah poekna boeiboeih  he ( western theological Ideas) lam ka longha thoeng tih diklai pum ah a khuk  avael la om. Matu theology tila thui thaina a long a im om ti thai eh ya? MatuHlaangphun rhoek kah poekna dongah om vai aa? Matu hlaangphun rhoek Krica la omhlan vaengah  hebang poekna he om vai aatila poekna ha thoeng hang. 

 

Pathencueihna (theology) he khotlaak ben (western culture) kah singyoe neh hmaih piit uh tih, bawkna ben kah saidan boeiboeih te Kri phung kah singyoe bangla boeih ana om. Pathen hlaangcueih pakhatloh a thui bal tah “theology poekna a kung ka tong tah Europe ram longah haphoe cuek tih, England ram ah a tlaih, America ah a rheum kah ka om bangla ommueh la a phae bangtlang phoei-ah koep a tom a thap tih Asia ram ah ng’ caanguh.” Teteh western culture theological Idea te Matu phun hil kah thinko lungbuuikhui-ah a na om hang.

 

Bible saengim ah (doctoral study)neh boeih thaina ham (dissertation) te (defense) sai thai hamla   a ngoe. Tekah (defense) na sai te namahkah (supervisors) rhoek loh a tangna tih,thuem tangaak tila (approve) a paeek thaina hil la namahkah (work Cited) longte khaw tueng sak thai hamla om.  Doctorateneh boeih hamla ka om tangtae hlang pakhat loh amahkah (dissertation) dongah(reference) tueng sak mueh la a om dongah (degree) loh thai pawt hil la om.Pathen cueihna he (philosophy) pakhat la om tih, tekah (philosophy) te ataangna ben la, hlang loh a pom thai, a taangna thai hil om hamla a ngoe.  Doctorate saeng camoe pakhat loh amahkahdissertation dongah “Baptist kah Pastor boeiboeih he phung a thui uh thai moenih, muihla hingna neh bae uh pawh” tila a tael te supervisor rhoek loh dawtnaa khueh. Mekah (reference) dongah na hmuh, uh longlae a thui, hlang mayetlonglae a thui, namah kah poekna aa? Namahkah hmuhna aa? Mekah cabu dongah laena hmuh? Tila a dawt te (defense) a sai thai pawt dongah (dissertation) teapprove paeek mueh la, degree khaw lo thai pawt hil la om. Tevanbangla  Pathencueihna boeiboeih he Bible dongah kah kaom tangtae te koep pahnih pathum hil la yakmingna thai hamla Pathen hlangcueihrhoek kah poekna dong longah ha thoeng tih hlanghing loh pom thaina, yakmingthaina, a ko a tlaakna hila thuicaih uh la om.

 

Manila Bulletin loh Issue pakhat anaah ngai la hlang rhaengpuei taengah tueng sakna a khueh. Manila khopuei ah alenkoek (company) pakhat la ka om van, khueh tawnna ben akhaw thui ham om pawh,aka boei hlaang pakhat loh hlangmi thawnthum hmai-ah olthuina a khueh. Ol athui boeiboeih dongah hlang loh tangna thai hil la a thui thai van. A bawt tomvaengah “Harry Potter Film” dongah kah ol pakhat te amahkah thui ol bangla ahnona tih Harry potter film dongah kah ka vat ti mueh la hlaang lakli ah athui. A hnuuk lam tah, hlaang a ngen loh he kah ol thui pakhat he a mah kaholthui moeh ni, “Harry Potter Film” dong kah ni tila bukbuk a thui ol te olthuikung lo a yak vaengah amah neh amah yutna moeh a khueh bueng muehla, Companylongah ka duem coeng tila Manila Bulletin dongah a hoe. Ol tlang khat ca maineh yah poh bueng pawt tih Company longah duemna hil la a om.  Thuingaihna tah theology hlaangcueih kah athui ol boeiboeih, yaakmingna boeiboeih, neh sai thai boeiboeih te (prove) asai thai dongah thuina nawl a khueh uh. Ol thui vaengah (defense, proof) na saithaina a ngoe. Tedongah Bible dongkah theology boeih he namahkah hmuhna rhoe tena thui hamla om tina ni.

 

Tih, “theology” he metlamlae Matuhlaang phun kah  poekna dongah a om tiheyakming thai hamla a ngoe van coeng. Bible catlang pakhat tae phai vaengah,mebang poekna lae na khueh. Phung na thui, Bible kawng na cang puei vaengah namahkahpeokna mai nen aa na thui, te pawt tah melam kah poekna nen lae na thui? A CiimMuihla loh Pathen Ol tak yakming thaina ng’ paeek dongah ka thui na ti thai aa?Diklai hlangcueih rhoek kah a thui tangtae te aa na awt? Bible saengim ah nacang boeiboeih long te aa thuithaina ng’ paeek?  Diklai dongah Bawkna (religion) boeiboeih heAsia longah ha phoe dae, Khri bawkna hetah kho tlaak ben kah ka om hlaang rhoekloh Kho cuuk ben kah hlaang rhoek lat a cang puei. Kri bawkna bu he khaw (Asiaminor) longah ha phoe tih,  kho tlaak benkah hlaang rhoek loh amahkah singyoe, om dan, poekna, hmuhna boeih te a pit, acawh tih Asia ram la han khuen. Tetah Asia ram atah Krih bawkna kah singyoebangla ng’ cang uh.  Matu ah khawcontextualization he bawkna bu ah a ngoe tangaak van coeng. Tedongah AsianTheologians rhoek loh tha a paeek tah tah Western theology he Asia context neha vai uh thae pawt moeh a om dongah  Asiakah context sai thai hamla a ngoe van coeng.

 

Matu Ol la"theology" he kamahkah yakmingna la "Pathencueihna orPaminrhaicueihna" tila a so-ah khaw ka tael tangtae tih ka yakmingtepawtah Pathen Olcueih cangna tila yakming thai bal (Study of God)."Theology" he English ol taktak pawt tih hlang ol lam kalong patoenga suen ollung la om. A thuingaihna tah Pathen Ol, Kri phung, Krica kah bawknaben, neh olpuei la Bible Ol cangna, yakmingna, thuicaihna, paehtlaihna te athuingaihna la om. Phoeibalah Pathen kah cueihna ti thai la om tih, oengna ben,mueihla hingna ben, Kri phung kah bawkna ben, neh Kri phung kah sai hamkoi,hingna hamkoi boeiboeih te a thuingaihna la om. Bible dongkah Ol a kung a dong,a khui a caekk, a dung a kaa, a toem a sang, a caeh a long, a thui a caih, atom a thap, neh a pueh a tom te Pathencueihna tila yakming thai bal.  Greek hlaang phun, hlaangcueih rhoek kah ayakming, a thut uh tangtae te a toi la yakming lasih. "Theo" calunghe Greek calung (θεός;) longah ha phoe tih, Matu ol lam tah Khoni, Minrhai, nehSathui tila yakming ham koi la om. Yaakming aka yoikoek lam koi nih"Pathen" tila om. "Pathen" ollung hetah Hakha ol la om tihMatu ol lam khaw thuicaih vaengah aka koih khaw a koihna van. Hakha rhoek loh"Pathen" tetla a thui te tahaedue Matu rhoek loh Matu ol la kho a senhno la a om vaengah tah yakming aka theen, thui hamla aka yoi neh tael aka yoibang la om coeng. Pathen tila ng' kaa long khaw a naem coeng tih, thuiphai,tael phai ahkhaw aka yoi bangla om. Tete Hakha ol "Pathen" tiloh Matuol "Pathen" ollung tila aka om te khup a dah tih tueng voel mueh laMatu ol a om van yavaat ah Matu ol te hnona thai mueh la om tih ng' yakmingnakhaw atloe la vik yakming tholh la omkoi nih cubu tael vaengah long akana benla om tih, ng' ol khaw a soepna hamla patoeng patoeng rhoeng la om ni.

 

 

Hmaibenahkoep tom nawn sih!

 

 

Aka tae rhoek so-ah  omngaihna ka khueh!

 

 

Ceng Ting

Philippines

 

 

 


KA HAIH BO KAWNG

Posted on September 24, 2010 at 3:01 AM Comments comments (0)

Kaahaih Kawng

By Dr. Aung Htang

Na kaa khui kalawng yilh na thoeng sak vengah a baw aka rim tangkiik te kaahaih n’ti ai. Kaahaih aka khueh hli he hlaang oen awl a thui vengah a kaa baw thee tangkiik. Tedongah na awlthui te na teng kalawng hutung hamla ngaih u nawh. Na kaahaih a rim dongah awl na thui vengah hlaang lawng harawng a buem te na huh u cawini. Kaahaih bueng nawh tih, cikvai baw aka rim hli he khawh hlaang oen haih a ngawlh a pai vengah a cikvai baw te u lawng khawh huuep hamla ngaih tang manawh. Namah bueng na om vengah, na kaahaih baw oen na cikvai baw he tu khawh pyatana la om nawh de, hlaang timah na ceh na awm vengah tah, hlaangtloe hamla pyatana la om.

Tudongah kaahaih baw oen cikvai baw he a rim kai? Kaahaih baw he a yahawh ngai tah kaa khui kalawng thoeng de, tawp khui kalawng aka thoeng khawh om. Khatsut tlawhna aka khueh hli lawng yilh a thoeng sak vengah a tawp khui kah a baw aka thee te va thoeng van. Thuina mailaiah, kensa tlawhna, khee sue aka khueh (lead poisoning) hli kah a tawp tah a baw thee. Yuu aka aw hli oen sarawh aka aw hli kah a tawp he khawh mincing a thawh hang vengah a baw thee van.

Kaa khui kalawng aka thoeng kaahaih baw he tah, na kaa te cimca la na puh nawh vengah na kaa khuiah bacteria hli a pung tare dongah khawhseh, na kaa khuikah caakdik hli te bacteria hli lawng a caak tih a uih a peng sak dongah khawhseh a baw rim. Na naw te nawkum lawng a caak tih, a puut a om poen atah, tekah a puut khuiah caakdik hli te khawnoek pakhat tluk a dii vengah pahoei rong tih a baw thee ai. Na naw khat oen khat laklaw ah caak-awk oen meh hli a tingtai vengah kawlkalh a om coengah tah pa hoei rong tih, a baw rim. Na nawhli (gum) a phing atah kaahaih baw rim. Tlawhna pakhat khat awm tih aw, nawhtah tuisi na awk dongah aw, na kaa khuiah timtui a kak atah na kaahaih baw rim van. A baw aka thee phun bacteria hli he na kaa khuiah a yahawh atah, kaahaih baw he rim. A baw aka thee caak-awk, thuina mailai ah, duyiin thaih, hamnuen an, teang hli te na caak vengah kaahaih baw rim. (Tetih van angla na cikvai hui ah a baw aka thee phun bacteria hli he a awm van atah na cikvai baw he thee van ai.)

Kaahaih baw a theena nawh hamla tu na sai ai?

Na naw te buh na caak coeng rooek ah puh poepa.

Na nawhli te phing sak boel. A phing atah naw sibawi tengla aloela nueh.

Na naw puut sak boel (Nawkum awm sak boel)

Naw khat oen khat laklaw ah caak-awk oen meh tingtai sak boel. Nawcueh cung oen cueh, nawhtah hlarui oen doek.

A baw aka thee caak-awk hli te caa boel.

Sarawh oen yuu aw boel.

Kaa khuiah mauem hamkoei tuisii (Mouthwash) te mauem peh.

Kaa khuiah hawna thai rimtui (oral spray) te hawna.

Naw sibawi tengah na kaa te check up sai poepa.

Cim a caih la aka awm hlaang hli (personal hygiene aka khueh hlaang) he a kaahaih baw khawh, cikvai baw khawh rim nawh. Hlaang rawnguup ngai, tui khawh aka hlu nawh, naak himbai khawh cimcaih la aka buen nawh, naw khawh aka puh nawh hlaang he a kaahaih baw khawh cikvai baw khawh rim. Amami lawng tah a yaakhnal tih, amah kah a kaahaih baw khawh, cikvai baw khawh yaa nawh mai cawi ni, tede, hlaangtloe lawngtah kak a yaak. Na pum na raw, na himbai khongok hli te a cimcaih la khueh langtah na kaa te buh na caak coeng oen na ih tawm ah puh poepa uh.

Dr. A. Htang

NAW (TOOTH) SADING KAWNG

Posted on September 21, 2010 at 3:14 AM

Naw Sadingna Kawng

Nawtlawhna kawng a tawica la ka van thut mai lah ai. Hlaang a kum ngaitengah aka awm thai naw tlawhna phun hih awm. Phun khat tetah nawkumtlawhna tih, phuntloe pakhat tetah nawhli tlawhna. Hekah nawtlawhnapahih rawi he na kaa khuikah cimcaihna (oral hygiene) oen tuukai hih. Nawkum tlawhnahe hlaanghing kah pum khuiah aka awm aka ning/tak koek naw te nawkumlawng a caak tih, a put sak tlawhna. Nawhli tlawhna he tah na kaakhuikah na naw a cawnna a ngan (gum tissue) te phing  tih tlo.

Nawkum Tlawhna: Buh na caak coengah na naw te cimca la na puhnawh atah, na naw dong ah aka kap caakdik hli te na kaa khuiah aka awmbacteria (tlawhmii) lawng a caak ai. A caak coengah tekah tlawhmiilawng acid a thoeng sak. Tekah acid lawng na naw te a caak vetih, ahuah tah na naw dong ah a khui va puut ai. Na naw khui kah a hliingtoela a puut thuk poen atah, na naw te tlo tangkiik vetih, na hawnathai tlaih manawh. Naw sibawi tengah na cet vetih na nueh hamla a ngoepoen ai.

Nawhli Tlawhna: Buh na caak coengah na naw na puh muehla a sanna awm atah, na naw dongah aka kap caakdik hli te na kaa khuiah aka awmtlawhmii (Bacteria) lawng na naw dong ah rap a kap sak ai. Na nawhlikhuiah khak a kap poen atah, na nawhli te va phing hang ai. Na nawhlite a phing dongah na naw na puh vengah, thaihu na ai vengah na nawhli athii thoeng ai. A huah tah, na nawhli bueng ohla, na nawhli kah a dangah aka awm na ruh te khawh va phing ai. Na nawyung te a han la va phohang ai. Na nawyung te lungto angla aka ning tangkiik nawkhek (Dentalcalculus) lawng khoep a dah ai. Na naw te khavoeh khavoeh hinghuen ai.Hukhueng atah, na naw te hoelh ruul ai. Nawhli  te lingduuk la awmvetih, thah molkholh la a awm poen tih, nawhli te na tek vengah a thiia lawng atah, na nawhli phing poen ti  te na ming ai. Na kaa te khawh abaw thee ai. Teatah, naw sibawi tengla cet langtah nueh loeih. N'tu nasai ai ti  te avan thui badai.

Na naw te nawkum lawng a caak nawh ham, nawhli a phing nawh hamla, N'tu na sai ai?

1. Buh na caak coeng rooek ah na naw te puh.

2. Hlem ben na ih tawm ah na nawh te puh.

3. Vai at na naw na puh vengah minit 3 tluk puh.

4. Nawpuh cung oen na naw te puh. Nawpuh cung pakhat ke hla thum nahawna coengah hawna tlaih boel. Athai pakhat lai langtah hawna.

5. Nawpuh teknik a soeng cala na naw te puh. (naw sibawi tengah dooet)

6. Na naw te kum khat ah vai at naw sibawi tengah check up sai poepa.

 

A thuui na caak vengah na naw a yaa van angla, na kaa khuiahbacteria yahawh tih, tekah bacteria lawng acid yahawh hlang a thoengsak atah, na naw yaa van ai. Na naw te khavoeh khavoeh tlum ai. Na kaakhuiah bacteria yahawh a awmna nawh hamla tu na sai ai?

1. Na kaa khuiah bacteria lawng a caak hamkoei caakdik hli kap sak boel.

2.Bacteria lawng a ngaih caakawk, e.g., cini, muthai, aka dup caak-awk,naw dongah aka kap thai takawi, chokolet teang hli te na caak nawh ahtheen. Na caak bal atah, na caak coengah na kaa a cimca la puh.

3. A tui yahawh aka thoeng thingthaih rampu hli te caak peh.

 

Nanaw te naw sibawi lawng avan silh coengah na naw te a yaa oh atah, nanaw te yahawh ngai tare puh pe a ngaih. Fluoride dat aka thum nawpuh si(Tooth paste) te hawna (E.g., Sensodyne tooth paste, Thermoseal toothpaste)

Ming hamla na ngaih a awm hli te nan dooet thai.

Awmngaih ruila - Aung Htang



HE KAH HE TAH BATUPUEI KAH POEK NA MOE NIH DR. AUNGHTANG KAH CATHUE NI KOEP TUENSAK LA OM

LOSAK KHOTUE

Posted on July 11, 2010 at 6:50 AM Comments comments (0)

Dear all Matu,

 

Thisis good privilege to share our traditional practice (Losak khotue) foreach one of us. As you are Matu you must know and understand what arethe purposes of our traditional practices. As some anthropologists andother behavioral scientists thought "culture is the full range of learned human behavior patterns."  Some other dictionaries mentioned that "Culture refers to the cumulative deposit of knowledge, experience, music, beliefs, values, attitudes, meanings, hierarchies, religion, notions of time, roles, spatial relations, concepts of the universe, and material objects and possessions acquired by a group of people in the course of generations through individual and group striving."We can learn the Matu culture, history, and language through the Musicas well. Music is very important to study  multi-ethnic groups culture,language. Music is important because it can describe people, places, movies, or animals that words can’t.  Without music, the world would have a hard time understanding other things.” – B. P. It crosses cultural and ethnic backgrounds. People relate to music through expressive and receptive communication. Unfortunately Matu do not have majoring and studying in Music yet.

 

 And also we can read about Matu cultures from some Matu writers and researchers. As  Pastor Kui's research paper "Matu culture bears the marks of a society that has been literally pushed from all sides into culture."We know that the human behavior patterns of Matu people throughresearch. Matu people are very precious ethnic groups and richculture.  We can research many ways to understand different types ofMatu culture. According to Pastor Tin Aung research coded "Matu phung ah Losak Khotue, Lodet Khotue, Cangyom Khotue, Yusuk khotue ti la a ming he a phun phun a na om van." This is the good thing to know for all Matu. Then, we ought to know the term, the time, and the meaning.

 

Pastor Tin continues about Losak Khotue in Batupuei Website "Matu cako yan kah a hing na la a na khueh koek he tah duek phoei ka lak ah hing vaeng kah khosak na he a yet ngai a na tueng sak uh. Te kah tueng na dong ah lo he olpuei koek la  ana khueh u van. lotawn neh bungkhut tih hing na tom la a om dong ah lotawn he olpuei la a na khueh la om. Te kah lotawn vaeng ah Losak Kho a tue hlan khui a tah lohma kah toi an he a na ca u pawh. Van khui kah a ham ca khoning a ka ming rhoek loh kho a na sawt tih tahae a tah a tue he yoei coeng thuem coeng ti a tah kho tue ham teh a na kam hlah uh. Vang khui kah a ham ca loh monglaeng a tum coeng atah lo la a ka cet long khaw im la bal tih lamhma la a nahuet uh. Losak hnin ka ham la lo a ka hla long tah hlaemhmah ah lo la awt awt cetih hmueihphum ham  la hmueih (ai, ui, ok) khaw a khuen u tih cet uh. Ming cang a tah te kah a khuen te a ngawn u tih hmueih a phum uh. Te a phum coeng a a tah lo kah anthai te a oh u tih im la a loe la cet tih buh an a thong u tih impil ah buh a tael uh. Losak ni hnin a tah hlang tom loh im ah buh a tael imsuep a om na pawt ham la a ti tih. te coeng ah ka tue a ti a mu he poe coeng rhotui then tlan coeng ti uem na neh buh he a tael u la om."

 

Allow me to code from Omthang Cako  Web Blog this is written by Pa Rhaisul. Mention about khotue.

 

"Yalvaeng ah ipnu/ippa (ipnu/pa) hih Tlang ram dong kah kho akasa thlanglah anom dong ah,Kum takuem ah lo an vok uh tih LOO TAWL thlang lah anom, Loo an vok pacuek nahih september hla dong ah Loo vok antong pacueklah om. Loo anvok pacuek hih Khoboek tilah aming koep ansui uh. Khoboekti natah hmai long Khoosawt (prediction) nah ti na ni, thlang puengpaloh Loo mai anvoek uh thai moenih. Loo bung loo, Loo aming kaom amingka thang Loothel Loolel ti nani, Hi kah Loobung canglong loo ka tawl hiloh thlahma lah hmailongkho sawt tih khoo an bok phoei daeng ah nipalnam rhang puei loh December hla lang kaloh ni loo an voek uh pueng.Loo vok an boeh phoei ah Loo rhae buh koep an thong uh bal, Loo an voklaahu tuh kae coeng ti nah ni. March 15 lang katah Loo tuh anthlae uhcoeng tih h'rhang hi p'hoei ah tuh uh tih, Loo dong ah antue toial nehtimu tuh kho an tuh ansoep lah om, May thla dong lang katah ansoep,anling ,an tue, toi al, timu, tuh kang an poe coeng dong ah Loo phohnah antong uh. June July hla lang katah antuh, toial,cangkuem,cangtul,pithai nawlo tah cak ham lah khoek coeng dae, Khotue kho hnilanpha hlal ahtah caak ham lah an yaeh uh tih caak ham lah anrhih uh. Kah'rhong kah rhom,bangkong, rhaphing loh tah a yung thaw kang a hlakcoeng tih cak ham lah om voel pah. Tu dong ah khodaeng lungma nuhmaicakoek loh tah caak ham antawl padong ah bungpong an-ueh uet ahkhodaeng an ming uh. Loo dong kah cangkuem, cangtul loh tah caak hamlah khoek coeng dae,Khotue anhmang hlal dong ah a bung caetcaet antaeng na daw ah bungpong an ueh uh.Tu dong ah khodaeng lungma nuhmai cakoek loh cak ham ankhueh uh voel pa dong ah khotue kho hnil hih callahan lamtawl uh.Khotue hnil tih ming nah Khosoeih Biihma khokaso thaikhangpuei ka tuk thai loh khotue hnil atah monglaeng ah boh, tu kahmonglaeng ol tuh hlang puengpa loh anyak tih Khotue hnil i pha coeng tilah an ming uh tih, Loo ta kuem ah Ai hmawh phum ham, Ai hmawh ti nahtah Loo ah Ai a hai ti na ni, Ai hmawh hmuei tuh anbawk sungrhai lohayak coeng ti lah an poek uh.Loo dong kah toi-al cangkuem cangtul tuhanloh uh tih im ah an phawh uh, Im ah Loo kah Ai an hai nahmai ahanthong uh tih omngaih ca lah im takuem ah buh an thak uh thae tihomngai kohoe na neh buh an cak uh. Tawngpa patong rhoek loh tah Khotuekho hnil tuh im takuem ah pangkal an rhoel uh tih yuhom neh Ai sa nehom ngai ca lah an lam uh tih khotue kho hnil anhmang lah an om. Ca dongca loe rhoeng thaw rhoek loh tah khat neh khat an-dae sak thae uh tihom ngai an bawl uh. koep hi lah khotue kho hnil omngai sangtloeng calah a hmang uh."

 

There may be more about Matu culture in some research and articles. But we need researchers. we wil read more next

 

Matu Thang

 


UEP OM HMUEIH HLUT

Posted on July 3, 2010 at 1:54 AM

LUNGVAT UEM CIL

NEH

UEP OM HMUEIH PHUM

Texts:  Slam 50:25, IKawrin 5:8

 

 

 

Lunghoih Cil neh Uep Om hmueih Hlut

He kah Sermon he tah Dr. Yung Cim (Thay Win) thang thui sai vaengkah sermon la om

Omngaih cil thui na he hmueih la  aka hlut loh kai m’pomsang kung la om. Longpuei dueng ah a ka cet hlang  te tah Pathen kah khang nah ka tueng ni. NRSV

Omngaih cil thui na he tah kai pomsang kung hmueih hlut nani, Kai ol a ka ngai tah oltak la ka khang ni. TEV

Omngaih cil thui he hmueih la ka hlut loh kai m’pom sang tih a long puei a rhoek a bah coeng. Te dong ah Pathen kah khang na he ka tueng ni.NIV.

Omngaih cil thui he hmueih la a ka hlut loh Pathen boeimang nah a tueng sak tih a longpuei a then ca la tuek tuek a ka poek ta Pathen kah khang nah a hmuh ni. Judson.

Kai pomsang nah koh hmueih hlut na he tah lung hoih na ni, Ka ol hna tun lah Pathen kah khang nah tha om na te kan tueng ni. CEV

Olrhoek nah Matu cako loh Pathen taeng ah uem cil thui ti he poeito neh hmai bok mueh atah paekboe thai la a ka om pawt hno bang la poek na he a na khueh uh. Te a tah Matu cako kah omngaih cil thui na he sawt vaeng ahHui tai, Ngannu ngankhong boeih soep. Yarkhat vaikhat sai la om tih Sael pakhat, Ok pakhat, Masae kah yupan nah, tanutakhong kah a pan nah, poei a ka bul rhoek kah kutphu te boeih toh tih sawt vaeng kum khat kah a ka boeih ke a yol koek ah adang ka bang la hmuh thai la om. yarhkhat ah poeih vaikhat a yolkoek ah om tih tahae kah a boeih neh sawt vaeng ah Sael 1 (250000/) Buh doh lang (100000), A mah sae loh a pan na dong ah a ka boeih 150000/ Tanu rhoek loh cang khap 2, ai phik at neh hlang 30 koi nih 210000/, Poei vaeng ah kut a ka poei he hnin at kut 2500 la khueh koi nih hlang 200 ham te 500000/ Ok pakhat ah 100000/, a tloe ngoe ngaih dong ah 100000 boeih mai koi nih rhen ah sawt vaeng ah kum khat kah a ka boeih he 67680000/ he boeih ah hno na la om. Matu Cako loh Pathen taeng ah uem cil thui ti he kum khat ah 676,80000 tluk he boeih hno na la om tih he kah tangka a ka boeih boeih he me lam ka lae ha lo, me lam koep a bal.

Matu cako loh kumkhat ah Pathen yoethen 676,80000 a yol koek Pathen taeng lam ka loh dang la a ka om he Pathen a mah taeng la koep mael tak tak coi a?

Te a tah Pathen taeng ah uem cil thui vaeng ah buh maeh a om cing daeng a a? uem cil thui thangthui nah a ming na thai ti he poek ham la muep a ngoe coeng.

Amuei mae dong ah tlaih ham koiSael neh ok neh buhmaeh muep a om cing daeng ah Pathen taeng ah thang thui nah hlacam he a ming na thai moe nih. Saam 50 dong kah a thui bang la so mai sih ti koi nih Pathen loh omngaih cil hmueih hlut na he a than a moe nih. A mah taeng ah a ka soep tangtae ni. Im lo kah boeiva boeih he Pathen koe ni. Rhamsa boeih khaw Pathen koe ni. Suva boeih khaw a mah ka ni. A bung pong bal cakhaw nang neh kai he n’dawt mah pawh. Na buh na maeh khaw Pathen loh han ca bal mah pawh. A mah loh angaih koek tah a hmai ah uep om la khosak he ni a ngaih koek.

Athaih a then takuem Pathen kongaih moe nih

Hlang cueih rhoek kah oldong ah “Means & Meant” a ti he ol a na om.  A ngen loh a kung a then olpuei moe nih a thaih a then a tah rhoeh coeng a ti uh. A long a im a lolh a maih te olpuei pawh hlang ham a phu a om a tah then coeng a ti uh. A ngen bal loh a long a im a then te yulh a thui dae a thaih rhawp tueng pawh. Paek kah Saam 50: 16 ff lam ka loh tae la a om vaeng ah

Pathen ol te hnuk la a rhoe 17Hlanghuen neh na yok u rhoi 18Na samphaih 18bLai thae na thui 19Mia mana na thi nah 20aNa manu ca neh na rhoep u pawh 20b Te tla kho sak na doe ah Pathen taeng ah hmueih hlut tihe Pathen loh a doe thai moe nih. Tahae tue vaeng ah (tMuHzef) ti he hlang loh bahoeng a ngaih uh.  Lai thae laidang thui neh a dang phai sa, Pathen kongaih mueh bibi neh khueh tawn lam ka loh nang neh kai long he uem cil n’thui koi nih Pathen loh a ngaih moe nih ti he a caih ca la tueng. Hnuk vaeng ah metlam metlam khaw om mai a hnuk ah Hlang rhingpuei ka khue tih thangthui nah poei ka sai a tah boeih hoeih pawn ti bang la Matu cako loh poek tholh na muep a ka khueh om bal pueng. Pathen loh a ngaih pawt koek hmueih hlut na tah hlang tha a yop a yop tih, hlang tloe kah mikphi caep caep a bo te a ming mueh lah Pathen lungvat na ti la Pathen taeng ah uem cil thui he a ngaih thai moe nih. Nang loh khoyin khothai hmai tiltil na vang thai vaeng ah na imben ah payawngdaing pataeng a ka vang thai mueh hlang he hnilh hma ham la a om moe nih.

Tolrhu rhuem he hno na ham la aom voel moe nih.

I Kawrin 5:8 dong ah Paul loh a thui tah “ Te dong ah tolrhu rhuem a thae nah tolrhu boeih te hnawt u lam tah , tolrhu a ka om mueh vaidam la a ka om cimcaih nah uep om nah neh poei han sai uh ti la a thui.

Ning Matu cako kah khosak na dong a he social network ti he me vaeng a khaw phaeh thai la a om moe nih. Khat neh khat masae cava, huitai, nganu nganca tukkai na he mevaeng khaw bawt thai la a ka om eh a ti moe nih. Te dong ah khat neh khat lak lo ah lung na a tueng na he bahoeng then dae hatah a yet ngai tolrhu rhuem he muep muep a thum dong ah kothae ham la calcal la om ti he tueng thai. Hlang pakhat loh a ngannu te bahoeng ka lung na a ti dong ah a cava te a suem dae lai la a suk, a khuen sak khaw koep a lat cana he Matu kah khokhuen dong ah a om cana he then pawh. Pathen taeng ah a cim acaih ca la thothueng sih tivaeng yurhui buhah la lat sai cana he khaw then pawh. Khrih kah cangpuei na dong a tah tolrhu a om pawt ham he ni a ngaih koek hno la aom dae.

Ol bawt nah

Tihnin ah Pathen ram ah mission bibi na dong ah Matu cako loh kumkhat a he Matu ram pum boeih kah (E&M) bibi na he sawt vaeng ah 5000000/ ting sawmnga a pha coi a? Kho yin ram ah mueihla loei loei a hma vaeng ah a ka hlawt kung u khaw om pawh, Pathen bawk im sak vaeng rhai sang nah khaw muep om pueng. Te vaeng ah kum khat khui kah uem cil na dong kah tangka 67680000/ tluk a ka boeih he Pathen boei len na a tueng na hamla kho poek a ngai coeng. Ram ham la bet ah poek a ngoe coeng. Ti hnin ah ram loh cueih thoem sang a ngoe, ponhlai nah longpuei then a ngoe, bawk im then then a ngoe, Bible ca uk khaw a ngoe, laa khaw a ngoe, sading na khaw a ngoe, ming na khaw a ngoe vaeng ah Pathen kah yoethen ram bibi na koi he ka dong ah sang tangsoeng la om koi nih thuem poek ve ni he poek a ngoe coeng. Pathen taeng uem cil thui he then ti bueng dawk loh tih a dang kah a longpuei a then la poek a ngoe uep om la kho sak a ngoe ti he hnilh u boel sih. Amen.

 

 



"S" Panga( 5S) neh Bi bi Tongnah

Posted on April 7, 2010 at 11:43 PM Comments comments (0)

Mah Hlang khui akhaw ti saeh set yone(Factory) ah bii aka bi moeh om coi ni ti la ka poek.Te dong ah Factory ah bii bi vaeng ah angoe koi he bet tael ham ka ngaih.

Factory ah bii kun paek vaeng ah mingham angoe rhoek tah;

1.Personal hygiene

2.5S housekeeping ti he me bang lae

3.Productivity ti he me bang lae

4.ISO ti he baa lae

5.TPM ti he me bang lae

Aso ka rhoek he mingham angoe.Aso ka rhoek khui ahe mah bueng loh vaiham neh sai ham laaka om khaw om tih Factory kah aka om Hlang rhang puei loh saiham neh van ham angoe bii khaw angen tah om van bal.Te kah khui ah atong na neh lumhma cuek la angoe S Panga ( 5S Housekeeping ) ti he bet thui lah sih.

5S HOUSEKEEPING

He kah 5S ti he Japan rhoek loh lumhma cuek la anatong u tih te phoei ah America (USA) rhoek loh apap bik ana hno na uh.Factory ah Hnopai athen bik saithai na ham neh sawk na ham tah bii aka bi kung pumpak cim ham angoe bang la n'taeng n'vai neh bii n'bi nah seh,te khaw cim caih ca la khueh angoe.Te dong me tlam lae ka cim caih sak eh ti te heh ti la na yawm u tih ahnuk bik ah 5S ti he athen koek hno la ana hno na uh.

5S ti kah asul lam tah Japan ol la,

1.Seiri

2.Seiton

3.Seiso

4.Seiketsu

5.Shitsuke

ti la ana thui na uh.5S loh amengtaeng tah Ayoei ca la hmuh nathai,yakming na thai ,cim caih na sak thai neh asen hlang la vai na thai neh hno nathai ham ti te ni.

A so kah Japan na loh ana sai te Mirang(Hlang bok ) na loh khok thoek ah dik lai pum pa luk loh yak ming neh hno na thai ham la ati tih adang ka bang la koep ana leh u van bal.

1. 1 S- Sort and Discard (Seiri)

2. 2 S- Shine and Inspect(Seiton)

3. 3 S- Signpost and Order( Seiso)

4. 4 S- Simplify and Standardise ( Seiketsu)

5. 5 S- Sustain ( Shitsuke)

1.S1 Sort and Discard

Bii bi na ahaka om hno boeih te coi lam tah nagoe pat koi hno te ahloek la hmoel lam tah khoem bael,ti pat atah voeih koi tah voei .Te phoei ah angoe hno te ataeng ah athen ca la khueh ham ti te athui ngaih nah.

2.S2 Shine and Inspect

Khoep aka dah ca na te athen ca ,cim caih la hnawh ,sil ,lam tah khueh,Bii na bi nah ahmuen ahma te khaw acaih la khueh.Bii na bi nah seh te khaw cim caih sak,acae nah aom atah koep pit.A cim caih la na silh ,na khueh daeng anih na hmang seh kah ahma ci na te na hmuh eh.

3.S3 Signpost and Order

Bii na bi na ah angoe koei te athen ca la na hmoel phoei ah "A place for everything and everything should be in its place" ti te na vai ni.Tla na sai coeng atah Hlangthai aka lo ham khaw ayoei ca la aming thai phoei ah yin la aka lo ham Visitors na ham khaw ayoei ca la aming thai ni.

4.S4 Simplify and Standardise

Bii na kung ah na hno nah tools ca na te khaw tisaeh,na khueh na hmuen ah rhawp khueh na ham neh na khueh nah hmuen te aming thut ham(Label) angoe.Angoe hno bueng neh hmang ham koi bueng te na taeng ah na khueh ve tih aherh vaeng ah ayoei ca la dawk dawk loh ham la ti te athui ngaih na tih ,khoem bael ham khaw yoei ,te phoei ah Tlap vaeng ah acan khaw moeh paek ham ngoe pawh.

5.S5 Sustain

A hnuk bik la aka om S5 Sustain ti he tah lum hma cuek S1,S2 lam ka loh S3 neh S4 hil athen ca la n'hmang coeng atah ahmun na ham la ti tih Sustain sai ham angoe.

He lak ah ta aep athen na la me tlam ka sai na poek eh ti te khaw poek puei nah khueh angoe.Bii ka bi nah hmuen ah S1,S2 he me tlam rhawp ka sai na eh ti te khaw Timetable neh atue acan n'khueh ham ,Ka sai aa?,ka sai pat aa? ti te ming na thai ham "Check list" khaw khueh ham ti te "Sustain " dong ah om angoe van.S1 ,S2,S3,S4 neh na bii bi na te asoep phoei ah S5 neh athen ca la ahmun na thai hil na hmang coeng atah na bii n abi nah ahmuen ,te pat atah seh te ngawn tah "Model 5S Area" la om pawn ni.

Te dong ah tongna cuek la aka om S Panga( 5S) ti te yak ming na thai ham neh hno na thai ham la ayol ah ka tael la om. 5S Housekeeping ti hetah im khui kho ah khaw angen long tah ahmang na uh tih bahoeng aka then la om.Hno pai sai nah Set yone(Factory) ah bii bi sih n'ti koi nih aso kah S Panga(5S) he n'yong tak thai pawh.

Hmaiben acan arem atah ;

- Productivity Management

- ISO neh

-TPM ti he, koek thoek thut ham ka yawm ni

ba hoeng ka uem,

Ha Luen.

Omngaih puei nah neh Khokan then

Posted on April 7, 2010 at 12:45 AM Comments comments (0)

Dear Boelrhai kung,

He bangla aphu aka om koek neh acan paek tih thahuel nah na khuaih uthai dongah omngaih nah cal la kakhueh.

Bi bi sai vaengah rhainah aphun phun khaw moeh om mai suidae tha thae mueh la yawm na neh ,tha huel na neh dawm poe na thai ham tha  paek nah khueh ka ngaih.

Kai mih ben lam ka long khaw olthang ka lii aom atah kan hlum u van eh.

Khat neh khat tha pae u thae sih.Hlacam na neh bongyong u thae sih.


omngaih doe ah,


Jenny pa


Rss_feed