" />" />" />

BATUPUEI (MATUPI KHOPUEI)

MATU RAM HAM KAM HLAH SIH

LOSAK KHOTUE (TANGLAA SOLNA)

 

LOSAK LAA

  1. Tangla aw kai kho la cet sih, tangla boeipa daw sih. Ankhung muem a thoeng sih, anyaeng paw ah cu sih. Didae didae didae, a hoi oi ya a hoi napa hoi la la oe.

  2. Kama kama lo ah adi canglong antoi pok, pok oe, anmai thai thaih oe. Antoi pok pok oe, di dae di dae ahoi oi ya oi ya.

  3. Subom impae impae lah va bom ipmae impae lah. Ahluei ka thung na la, a la ka thung na la. Ala beyaw beyaw Ahluei beyaw beyaw. Ahluei thaih pom ca sih, a la thaih pom ca sih. A hluei thae thae oe ala thae thae oe. Di dae diae a hoi oi ya oi ya.

  4. Rhangkhueh ham la ka ti a, pangtaeng sunghai cawt ka bang, sucawk va cek cot ka tuk. Rhang hoi ham la ka ti ah lolak dong long cawt ka voeih, humhi sutang cawt ka tuk. A hluei ka thung na la a la ka thung na la. Ahluei beyaw beyaw a la beyaw be ayaw. Ahluei thaih pom ca sih ala thaih pom ca sih. Ahluei thae thae oe, ala thae thae oe. Didae didae didae, a hoi oi ya oi ya.

  5. Khangkhung im ah khangkhung sih, khangcaw im ah khangcaw sih. Didae didae didae, a hoi oi ya oi ya.

  6. Khosa sih khosa sih anthli kho la khosa sih. Selokho la khosa sih. Anthli pui pui oe, selo pui pui oe. Anthli pui long pataeng khaw, selo pui long pataeng khaw. Didae didae didae, a hoi oi ya oi ya.

  7. Athung la ka cet bukam kam at ka ang, ahang la ka cet buhkam kam at ka ang. Buh aw maeh aw halo loeih, buh aw maeh aw ha lo loeih. Thangvuel ka ca thal pom pa, om vai ka ca thal pom pa. Didae didae didae, a hoi oi ya oi ya.

  8. Aok im ah a ok coeng, acak im ah acak coeng. Aok pa toeng thui na sih acak pa toeng thui na sih. Ok yo im oe ca yo im oe, a ok boeih boeih ai, aca boeih ai boeih. Didae didae didae, a hoi oi ya oi ya.

  9. Casih ca sih bungpuei thaihthon ca sih. Ca sih ca sih bungma thaithon ca sih bungpuei huk kuk oe, bungma huk huk oe. Didae didae didae, a hoi oi ya oi ya.

  10. Athang maeh vai maeh vai thanpom maeh vai maeh vai. Athang maeh vai maeh vai thang pawn maeh vai maeh vai. Cipuek mongleng ka boh na ah kaban tlo hai baw, toem ca khang rhang ka tum na ha ka laeng a tlo hai baw, ka lam na aa, ka phai a tlo hai baw. Didae didae didae, a hoi oi ya oi ya.

 

LOSAK CIL TOI

Hlang Phung a ka ming na long he poei boeih a khueh tih ning Matu cako long khaw poeih he boeih khueh la om.He ka poei he tah sawt vaeng ah matu ca ko ham ngawn taha yoei la khotue kang a ti uh. Poei boeih boeih khotue a ming na tih poei ka sai ni a ti  a tah kho ka tue ni ti la a thui uh. Te dong ah Matu phung ah Losak Khotue, Lodet Khotue, Cangyom Khotue, Yusuk kho tue ti la a ming he a phun phun a na om van. 

Matu cako yan kah a hing na la a na khueh koek he tah duek phoei ka lak ah hing vaeng kah khosak na he a yet ngai a na tueng sak uh. Te kah tueng na dong ah lo he olpuei koek la  ana khueh u van. lotawn neh bungkhut tih hing na tom la a om dong ah lotawn he olpuei la a na khueh la om. 

Te kah lotawn vaeng ah Losak Kho a tue hlan khui a tah lohma kah toi an he a na ca u pawh. Van khui kah a ham ca khoning a ka ming rhoek loh kho a na sawt tih tahae a tah a tue he yoei coeng thuem coeng ti a tah kho tue ham teh a na kam hlah uh. Vang khui kah a ham ca loh monglaeng a tum coeng atah lo la a ka cet long khaw im la bal tih lamhma la a nahuet uh. 

Losak hnin ka ham la lo a ka hla long tah hlaemhmah ah lo la awt awt cetih hmueihphum ham  la hmueih (ai, ui, ok) khaw a khuen u tih cet uh. Ming cang a tah te kah a khuen te a ngawn u tih hmueih a phum uh. Te a phum coeng a a tah lo kah anthai te a oh u tih im la a loe la cet tih buh an a thong u tih impil ah buh a tael uh. 

Losak ni hnin a tah hlang tom loh im ah buh a tael imsuep a om na pawt ham la a ti tih. te coeng ah ka tue a ti a mu he poe coeng rhotui then tlan coeng ti uem na neh buh he a tael u la om. 

Hula Rhoek Loh

 Losak hnin a he hula rhoek long tah a hlo rhoek, a vahoi im ben la hnilaem a vah u tih cet uh. A mani, maya ben long khaw im takuema caeh na u ah hula rhoek te maeh a buem sak uh.te kah a buem maeh boeih nen te hlaem ah rhoibuh a thong u tih a hmaeh na uh.

TANGLA A SOL UH

 Te coeng ah cadonghu la loh im ta kuem la tang la a sol u tih im takuem ah la lam doe ah laa a sak uh. Te lam ka loh ombal khai cet u tih dae na u thae he a sai uh. 

 

LOSAK LAA KHUI KAH PAKHAT THUI CAIH NAH

Losak laa Muep ha lo van tih a so kah a ka om ke a toi ca mai nih bet asen la a mueih yaak ham la na ngaih a tah (LOBAH KHOCIL THEN) VCD dong ah a then la na sawt tih na hna tun thai.

Te kah laa dong ah a ka om van pakhat tah

Okhul hnuk ah kai ka cet

Okngal kung thoe beh ka caeh

Okrhul kung thoe, kung thoe,

Ok ngal kung thoe kung thoe, 

 Yan ah thai phum tlang Khuingaw pango hmui ah Matu cako loh kho a nasak ti la a thui. Te vaeng ah Khuingaw pango timpawn ni bung pawn ni ti la a yak vaeng ah bung tang mah pawh a ti uh. Ngah ngah a om vaeng Khuingaw te tim tangloeng tih hlang boeih a et. 

Te kah a et na hmuen a te okngal loh a muet tih a kangloeng vaeng a tah okduk (kongduk) te phawn a muet vaeng ah hlang pakhat camoe te lawt om a tih. Camoe loh a sawt vaeng ah acaeh na khaw ming pawh a om na khaw ming pawh. Okngal kah a muet te a cak van a hnuk te a vai phueih. Tadoem ben a pha vaeng a tah hmangrhong taeng thang dong ah ti kah okngal te vik man. Lo a sak u tih okngal ka sah u eh a ti vaeng  khohong khui ah hlang rhah ol te a yaak uh. Koe a sawt v aeng a tah hlang te lawt a hmuh u tih nang u lae a ti na u a khaw thui tlaih pawh. A hnuk ah Yu a rhui tih hlo a phoek daeng akh ka \pumtak ca a ti a thui tih a mah kho la te kah camoe te koep a thak u ti la a thui. 

Losak laa dong ah he Khokhuen cil khaw om ti ming thai.