" />" />" />

BATUPUEI (MATUPI KHOPUEI)

MATU RAM HAM KAM HLAH SIH

 

 

Olrhoek nah
 Matu Lum la he ka sawt vaeng ah ta hae atah Pathenben kah laa he bahoeng hlang loh a sak la om. Te kahlaa boeih te so mai si ti koi nih Matu khui lam ka loha ka poe lak ah hlang tloe kah ol kong  tih sak la akaom he yet ngai. 1992 lam kalohMatu Laa Bu (MBA) kahe tuek ka saw veng ah laa pakhat loh kathin khui a ka thip sak koek tah bang nim ti koi ni a vang na ram kah hlang boeih lohg tah mah ol ka soep neh koeh u boeih coeng, te dae kai mih ram tah olvat nen kan toei u pueng a ti  paham Rev, Ngai Tim laa he ka sawt vaeng ah ka thin khui ah cal la thip tangkik. Ti kah laa he khaw saw bal vaeng ah Paham loh mah kah ollung tah a buen tangloeng dae ha tah oldi (tone) he tah Lushai laa bu dong ka ni a loh a om. Te dong ah matu ca ko loh ma ol kah neh pathen koeh tak pawn aa ti he poek van ham la om coeng. Ta hae san ah hlang boeih loh lum neh laa he a then la  khueh thai a tah ti ka a khueh long te ni hlang he a rhoeng sai thai. Matu ram ah laa ben ah he sawt veng ah a vawt na khaw muep om pueng tih sai ham koi la muep om pueng.
  

An example of the Tlunglaa mentioned here is very old 

" Anu loh cang loeng la n' oi veng ah muei rhih khaw ka doi la loih pawt dae, tu a ta nang tui vom im sawm hlang nga tluk ka lo, rhaeng tui cit cit a kah vaeng ah kho ham po long ah thing ka ka phol tih, lungtum tungthe ka kaeng dang<Rhem Tang>The English translation goes like this -when I was only child of mum,I thougth that I am not able to do somthing but now I have shot a bull elephant and wild boar. I am beside myself for joy. I have actually shot what till now I had seen in dreams. We all pass ten months in our mothers womb, but a man who is blessed by a bison can shoot a bison between sunrise and sunset."

Matu caa neh Khosing rham yoe
Yan lam ka loh Matu rhoek he singyoe he boeih a na khueh. Te khuie ah Ngala vang khui kah a ka om laa rhoek mah he boeih thoelh mai sih ti koi ni thoie thai na pawh Matu laa he a yet ngai rhui sih ti koi nih ting toeng he yet kkoke ka la om. Te phoeih ah hlo khaw a na hlai u. Matu khosak nadong ah laa neh he maveng ah khaw paek boe thai la om pawh. Yukung soi lak duek hing vaeng ah khaw laa he a na sak u yoe yah. Laa a na sak vaeng ah khotue rhamtang a na sawt tih laa he a sak la aom. Khohal ah lung tuen laa  a sak bang la cangpa a tah cangpaa laa he a na sak van. Khongyu a thoh vaeng ah yulaa he asak bang la duek vaeng a tah duek laa a na sak.  Te dong ah Matu laa he so mai sih ti koi nih ta a dang ka bang la hmuh thaih la om.

Yusuklaa
Yusuk laa dong ah khaw khat bueng a na om pawh muep a om khui lam ka loh mung dueng ca he tueng sak mai sih ti koi ni
1. Sumtu nok laa
2. Then Lum laa
3. Latlang (ahlo laa)
4. Puenle
Te tlam na te na om. He kah boeih te a soep daeng ani yusuk laa a ming an thai. He a soep mueh la yusuk laa ming na thaih moe
ni. sumtunoklaa  he tah mevaeng a lae a sak u ti koi ni khongyu a ka thoh (yusukkung) ka him te sam toe neh boeih a cam utih lum hma suek la khosoih rhoek neh imhman ah a lam veng a sak u laa a om. A sak u uet ah a ngen kah a thui na a tah im na khaw rhui athlig hleok u tih rhui aten sak ti la athui. A ngen long tah dang ca na khakha aboeng ti la a thui. Heka  laa he sak veng ah hlang boeih loh a lam mueh om thai pawh. Thenlum laa  tah koep a sak bal vaeng ah khosoih rhoek neh hmaih ah a sak bal tih soenng ah lam u a ti. Then lum laa he sawt va ng rhamsa boeih he apaam nah laa om. Aihlueilaa, thangbae laa. Sennahui laa, neh sahai laa ti laa muep om mai, Sahai laa he a sak vaeng ah athen la ngai thuen a ngoe ngai theu pawt ah ngawn
tah sahai loh ai boei a tuk a ti tih then la ngaithuen na a khueh u.  Latlang  he tah hlang loh tollam ah rhui a sak u la rhen ah a sak u la om hlang boeih ham a yoei koek la om. La tlang he tah a men rhai dueng a ti a na tong a yet tah NU rhoek kah laa hutaa laa la om.  Puen le a ti he ngawn tah lamnoi ben kah a sak laa la om. Yusuk he Matu rham ah thangrhoh thakva ulh pail um tih sok ko tui va ah paicui pai dong ah suva loh a om then vaeng ah hlang loh a sak phai te rhoep khaw rhoep tih koih khaw koi tangkik.

Pohlip laa
Pohlip laa he tah hlang loh rhoilaeng a pai tih rhok a tuk a vaeng a ham ca na loh patong na loh pa hlip ah ngol tih yu abueih doe ah a  sak laa om. Rhokrhaeng loh dik a cai neh lung tuen loh a cai te a rhoih van tih a yai la yoek yoek a sak laa la om. He  kah long hlang khaw duek duek a thana sak.

Losak laa
Losak he thui hlan ah losak kawng thui a ngoe pueng ka tih. Matu ca ko loh lo ana tawn ati a lung he a na tue kho loh a na rhen tih rhotui ha lo  atah te kah rho tui laoh a then la toi tih buh la poeh pawn ni ti dong ah losak he  a na khueh u. Te dae ta hae ah hlang
ayet ngai long tah losak he lo khotue poei kang a ti u. A taktak a tah poei <festival> boeih ke losak a ming nah. Losak laa he cangyu lam ka loh a na ting toeng tih a na sak u. te phoei lam ka long tah tang laa a na sol u. Tang laa sol vaeng ah ah cadong hula looh ipil ah ah cet utih laa a na sak u. Hu laa rhoek long khaw hlohoi vahoi im laa a na cet u van tih buh maeh an vael upuei. Tanglaa aw kai kho la cet sih tanglaa boeipa daw si, su hoi ham la pang taeng dong long cawt ka voeih a ti ol he na van coi. Sucawk Vacekcawt ka tuuk. Bongpuei thaithawn ca sih a na ti.

Cangpa Laa
Ma tu hlang rhoek he lo tawng hlan la a om vang bang la cang pa vaeng ah tah kho khaw cil coeng long im khaw then coeng lobah khaw boieh coeng te dong ah cadong hu la loh khoek thoek ah cang paa laa khaw a na sak bal. Lobah rhaengcik khaw a na hlai u. Cangpa laa dong ah cadah rhoek kah laa khaw a om bang la cadong hukaa kah lung na laa <romantic> laa khaw a na om bal. “Potaeng yilmoe loh patling a bai, thing tuktun loh cung kui a pom?kah la he a sak vaeng ah rhal loh a rhen tih rhawp tu pawh a tit e dong ah ca dah ca loh “Kaitum pavit  ol a yak ah rhalmah cahai a lung ding?nbsp; ti he khaw om van bal. Rhaeng cik caimoe ol loh hlang samdueh ngawn tah athoel tangkik mai ti he ming sak ham la ka ngaih.

Cang Laa
Canglaa he tah hlang laoh khokha rham ling khui lam ka loh a vuei a thaih ka yun coeng, ta kum ah cang ka dang pawt cakhaw khohmai ah cak ka dang naham la a ti dong ah cang a na koeih tih cangkoei ai a hai, yu a
bueih tih cang la he a na sak. Cangla dong a he koikhaep cangthang  lam ka loh a ta tong tih Aipoeh  hmui ah cangsing mu la ka poe ti hil a khaw a na sak u. Te phoei ah kum khat khui ah lo neh hmaih ah lung na rhui a ka cak tang tae te ta hae a tah lothai ka vok tak pawn ni a ti ca na hlang ngaih om mueh ka mah bueng ka om a tin a ngaih la cangkung loh khum tih bal hnah lingloeng lingloeng tlai, pai puei dae cangkung nang loh pai puei dae a ti. Hlang ngaih a om mueh a tah ka mah bueng ka yung hoep a tinangaih ni.

Yom o Laa
Canyom he cang bawt ah coeng tih kum rheum neh kum thai a phih na u, hlangduek hlanghing mueihla a phih na tue la om. Satloek a na tai tih a na kah u vaeng ah kho hlaem a tah tol hmai ta kuem ah tom a tum tih yom o laa a na asak u bal.  Tung tung koei oe, Omrhaeh lunghli cangyung a na kuel oe, Thamkuet povan thamkilh rhea an rhut oe, likma sael kho mai kok a na doing  a na ti.

Saa Laa
Sa laa he tah phnih la om tih sa puei laa neh sa khi laa lah om. Sa puei laa he tah a ham Rham Tang <takluem> loh a na sak ati. Sapuei laaa dong a he rhangrhaeh mulhing tlung nonh huithim, khonoek lung peal  lam, ka loh a na tong. A mah neh mah kah rhangkah te kai uithai a na ti. Sakhi laa he tah saca laa khaw a ming nah. Anoe Rham Tang <hmangrhing> loh a sak a ti

Lungtuen Laa]Hlang loh lo a tawn tih vak a vok vaeng ah vathok nen tah va rhea yu he aboeih a bueih  tih lung tuen laa a sak u. Lung tuen laa he va rhea laa khaw a nming na. Lo a khah tloel a tih  amah bueng hawnlae phoek phoek a caw vaeng ah lungtuen nu ha lo lah vaetih vak m
’vok puei la ma ko ati na.

Ahloo Laa
A hlo la ka ti vaeng ah yu suk  dong kah a hlo laa vik na poek thol ve ollung naa ngawn tah vai ngawn dae ha tah oldi<tune> a vai u rhoi moe nih tingtoen ka hui ngaih na ni. A hlaw aw ahlo aw, khuirhung a mah kun la sih khuisaek a mah om lah sih, kai pa mah pa na si kai num ah nu na sih  he cadah ca pham ham hmuen a paek na khaw a t6hui. Cadah ca pham he im la khue na kawng ni a na sak.

Tlung Laa
Tlung laa he tah rhal taeng ah phu loh na laa la om angeh long tah he tahae san ah sawt then voel aw na ti u mai. He kah laa rhang neh na rhal so na phuloh sak ham bal moe ni yan ah nu pa loh a ming mueh laikung te metlam koep a tuuk na ti he nih ming sak a ngaih. Palai sak vaeng ah hlang pakhat te hlang loh angawn tih ka ngawn kung he ming upawh te vaeng ah kho tom ah thiyoeng a hlak <inquiry> a sai vaeng ah a ka ngawn te tamkuili ah om atih a ming thaih tih koep angawn thai dong ah tlung laa he a sak la om.

Camoe Laa
Yan kah Matu camoe ca naa loh tol a aluem vaeng ah ca moe la he a na sak van. Hlaem ben ah ma nun napa loh lo lam ngoep a alam tawn vaeng ah lo lam he a loei na laa khaw om van he rhoek he khaw so mai si ti koi nih laa pakhat ni. Anu oe halo laeh, a pa oe ha lo laeh. A nu aw lo tang dae lotang dae lo taeng, yipuet yiltang a phaw tloel tih lung hoi tui loh a yo a yo?.a na ti.  Tol ah  todaek lai cang aluem na vaeng ah a tah amen rhaidueng neh aisi thoh ong laa  he a sak u.

Ca Oei Lung
Ca oei lung he khaw so mai sih ti koi ni laa pa khat van ni. Ca moe a ih atui sak tih camoe te angaih a mong sak. Te dong ah ca oei lung neh ahloep tih a ih sak vaeng a manu napa kah lung na he ta aep aming sak.

¡¡