" />" />" />

BATUPUEI (MATUPI KHOPUEI)

MATU RAM HAM KAM HLAH SIH

MATU LUNGDING LAA

Khaw Hal Tue

Khaw hal tue veng lung ding va pho,

Ka dan de aw mawl me lawng,

Kai ham la hing he yo the la coeng,

Kawngaih aw rem vik ouh la.

Lung ding he ka ueh thai soe nawh,

Paya khueh nawh kai aih he,

Rui rai ang la pai lum haih sih ne,

Kawngaih aw rem vik ouh la

Na mah tah kawngaih tloe na khueh tih,

Kai tah voem ham nan ngaih nawh,

Huk sul poek venng ka kaw la the,

Kawngaih aw ka pang thaih nawh.

 

Na nu oen na pa kaw ngaih te,

Vai mai hawn saw ne kawngaih,

Kai tah tu la la thum nawh tih,

Kawngaih awl lawng va soep nawh.

 

 

Kan thin tloh na

Khaw hal tue khawmawng lawng vayal poen,

Tlang dawng kah ping pro va awl ding lawng,

Thlemhah hla vang veng va ring bal poen,

Kai awm dam a van thoel aw kawngaih,

Kawngaih aw nang kan thih tloh na tah,

Na rang dawng ca maw na pawm thlan khui.

Nang ang thin tlo kung ka huh ma nawh,

Na kawngaih sam phi ka awi li huen.

Kawngaih aw yithuem I sap veng ah,

Tu dawng nuem nan lung vat na nawh kai,

Ti bueng he ka peok khuep veng hoeidoeng,

Rah mikphi tui lawng yul kawngaih noei.

 

Rotui Khaw tah law bal poen

Rotui khaw tah law bal poen,

Thin tlo berhoep thli oen pek hi poen,

Rap boel ne khaw cui tui a len dawn ah,

Nang oen kai huh hih thai nawh,

Di di aw rap mai boel ne.

 

     Kawlh kalh pek na hih dawng ah

     didi aw rap boeil mai ne.

    tue a ka khum tang te hli te

    ka khueh thai kawi ni nan oen kai leng haih sui de.

 

Di lai can khum tawn poen,

didi nang oeng huh thai nawh (rap boel ne).

cang thawk sik ca a pah tue ah

didi aw kan voem koep ai.

Nang oen kai huh hih ham la

 

Kan Tlap Tak poen ai

Kawngaih aw nan pe tang rih ou poen aw?

Tu aih la nuem thin kaw nan te nan melh tak ouh.

Nang angn thih ltoh kung thlang ka hu van khawi ta,

He di lai dawng ka kaw ngaih lawng ah zingzawi thai sui, de

 

       Kawngaih tlo ka tlap tak hawn poen ai ne.

       Hal hawn loeih nan na thing buie ah.

      So Pathen lawng mul bet sam tawm awh poen te tah,

      Ngaih nawh sam ang la pek hih poen sih ne.

 

Toei na awl hilh tih nan pek tang ah ca khaw,

Kai tah kaw ngaih mueh la ka awm tang nawh ne,

Nang ang kaw daw kung hlang tloe ka huh van kawi nit a,

kai ham zo then sui de.

 

 

Yinyawi na huen

 

A tue hin hla lawng voei voei khum bal poen,

Kawngaih nang oen huh hih ham la so Pthen rang mai hawn she.

 

Kawngiah nang oeng zing zawi na huen ben ka dan veng.

Kaw the lung nat dip thai tlaih nawh.

Mikphi rui la ka mel poen.

 

He dilai boet to tah kan hilh tlaih ma nawh.

Awl; nem ca on nan voem nate

hin roek ka lawng ka lam toem.

 

Thlem hmah hla vang veng nang oen yingyawi na hih te.

Awm koep ai nuem huh hih ham la

so Pathen rang mai hawn she.

 

 

Atu Khaw Hin Hla Lawng

A tue khaw hnin hla lawng tah voei voei khum,

Kan ngaih nang oeng khaw hih then he,

Khaw lawng ah voei voei khum bal poen.

 

Ya oe kang ngaih nana oen pek ham khaw ka poek veng.

He dilai hlang tah pek hih phung hi.

Nang oen pek ham khaw ka poek veng l

ai hing he kangaih  tlaih nawh.

Khaw deng ca nu na ti dawng ah kai nuem,

Pum ting pa toeng nan tlap tak.

Na kaw ngaih tloe oen khaw nawm ca khaw sa hih hawn mai ne.

 

 

Hlem Hmah hla van

 Tlem hmah hla vang veng nang lawng ah kai lung ding na van pho ta re.

 thlem hmah hla vang nang poei caih mai la.

Aw ka kawngaih na pum dawng ka thih tloh van nawh sui de.

Kawngaih tu nuem lung hih kawl kalh.

Thin phat rung la aw thla vang nang kan dan.

 

     Cui veng khaw sak na thli boeih,

      Poek ven na thih tlo nawh aw.

     Lung hilh ttui neum nana wk tak vik ouh kai.

     Dan ngaih sui har pai ang la, pai l;um keop bal lah sui.

     Kawngaih tu nuem tui oen hai ang ral hih kawl kalh.

 

Sading la ne

Ayeh noei va phoe koep de, va mel koep mai de.

Na kawng hu thli ka poek veng lugn ding va pho.

Tuem tloe pawm oen nan khum tak.

Ya oe a a aw nan oeng ah awm haih si awl na tui hli te.

 

Ya oe kawngaih awl hyp na thui thlit e.

Ta he tah yilh lawng nuem a yawn bang aih.

Va mel de khum boel mai de.

Ya oe a tuem aw nang oen ah awm haih hi awl na thui hli te.

Sa ding la cet ne sading la va poe hawn ne.

Na kaw ngaih kai tah han hoet sut poen ouh poen aw.

Renng tue oen vaphoe koep de.

Na kawng hu hli te.

Ya oe kawngaih kan hilh thai roe ma nawh ne.

 

Awm ngaih nah hin roe awm nawh,

Kaw the na lawng yawl.

Kawngaih awl huep na thui hli t na hilh poen aw.

Kawngaih nu pa awl huep na tang an hau tih

kawngaih al huep thui hli te na hilh poen aw.

 

Kai Hlang Pam Lawng

 

Kai hlang pam lawng he, va muthla ang la,

Khaw tawm kahil poe ngaih oen ka doek de,

Va mel pawm tlaih nawh ngaih oen ka rap khing,

He di lai a he.

 

Aw va mel koep loeih ca (Aw ve mel loeih ca)

Cing yak haw lo poen khaw lawng thun tawm yoei poen.

Lai ding in sih ham la ka ngaih.

 

A nu a pa oen ma ya ma na lawng,

pek ham thli boeih aw.

Ngaih oeng ka doek de va mel pawm tlaih nawh.

Ngaih oen kang lam toen he di lai a he.

 

 

Kan tuek Sut

Lai dawng ka tuek sut aw kawngaih noei.

Pai ang ka pwm li veng a he,

Suek an wl an tang ohu la

Hlan mawl khum haih sih ne.

 

Ya oe na thin kaw nan khyh tak.

Ding nawh mai kai.

Sawng thai kawi nih ka va sawng sui.

Na ngaih na lawng yai sut oh poen

U lawng nuem a ueh ai.

 

Ro tui cim ang la ka lam toen kaw ngaih noei.

Awm dam li veng nang va phoe lah,

Lai boet na tue lawng pha hlan toe

Kan hilh ma nawh neh kaw ngaih.

 

Awm dam tlo ca pek ham kan ngaih nawh.

A yeh pek na lawng a he khaw hlem mawl voei voei

khum oen ceh dam lung na mik phi ka awi.

 

Phok na ol nim na tang nah

1.        Phok nah olha nim na tang na kai pum ting,

Mael tlaih mueh la molvoel tlang help na khum mai,

Ka ueh tloel sut ka thin ko longtah boeih sut

Hlem hmah va hu bang lam ni ka ngol ngoe sut.

2.        Loh bah rheng cik nen nim na thoenhh hmaih ve pumting,

Potaeng yil moe thing kung tik tun a nim na ying vik,

Kai tum phavit ol ding he na yak van nim,

Painoi ankhung bang la vik ah na tloih aih mai ca.

Lai lung nah rhaipai tah tlim tloei thai,

Muei bang la kol kalh ca ah khum thaih,

Khotom rhamtom ka hil tih ka tlap mai ca khaw,

He dilai ah Jesu bueng ni ka then.

3.        Khohal lungtuen thana ol ka yakl vaeng ah,

Ka cung dueh neh pumting nang thoel kangaih,

Kuntun catlim na tue bueng ni ka lam tawn,

Pumting yinthing ha thoeng koepngai dae.

4.        Lomai cingtlawk ol long tah ha phoe bal coeng,

Ya oe dueidah thahang kai ka tlo oeng sut,

Pumting nang muei mae loh na phoe tlaih mueh la,

Mol voel tlang hlaep ka hil nang kan tlap la sue.

d : r : m / s: - : - I - : - : - / m : m : m I d : - : l, / s, : - : - I

s, : l, : d | d : - : - I d : - : - | d : r : m I s : - : s | s : - : - I

l : l : l | l : - : s I m : - : - | m : m : r I d : - : l, | s, :- :-

s, : l, : d | m :- : - I m : - : - | r : d : m I r : - : d | d : - : -

 

m : m : m | m : - : - I r : - : - | m : m : r I d : - : -

d : r : m | s :- :- I s : - : - | l : l : l I s : - : -

l : l : l | l : - : s I m : - : - | m : m : r I d : - : l, | s, :- :-

s, : l, : d | m :- : - I m : - : - | r : d : m I r : - : d | d : - : -

 

Poek van kai nuem]

Cui veng kah awm then na hli boeih lawng,

Hin roek kai lung ding a van pho.

Ka ueh tloel sut poen ca khawngaih noeih,

Kai rah na lawng he boeih tlai nawh.

 

Poek van kai nuem kawngaih lawng he,

Ngaih nah thin khaw lung buei ah,

Akhu nang sawng lang tah thui peh ne

Na kawngaih lawng ringda ti nah ne.

Pai then soep rep lawng va phuelh poen de,

Nang ang thintlo kung u khaw awm nawh.

Pai nang nawh tah khawngaihtlo awm nawh,

Rem haih sih ne thlan mawl toe la.

 

Nu oen pa kah thunkha awl dawng nuem,

Pek na hih la coeng vik oh kai,

Kai khawdeng oen nan ang boei phun he,

Pan hai ham la ka koei nawh pa ya.

 

 

A then ca la cet ne

A then ca la cet kai kawngaih noei.

Hlem hmah hlavang veng kai ka mah bueng ni,

Kai ham anawm nah tih hin he awm koep ai nuem.

Mel koep de ka ti ngam nawh kai khaw ngaih noei.

 

Hnuk veng kah nawm nah thli boeih boeih te tah,

Yilh lawng ah azawm bang aoh poen kai aw.

Pai lawng tah rem tih a tue pha veng koep va pai.

           Kai kawngiah pai ang la pai koep ai aw.

Haih awm tih ang la tah nawm kop tlaih nawh.

Khaw then ka law lawn kai ham la tah

va ang la sawng tih haih awm haih sih na ti te.

Hmaih awm haih awm hih ang la tah nawm tlaih nawh.

 

Pangpel va ang la sawng ne

A tuem nang ngaih na lawng he,Na thlo kai tah sul ang la ka yai.

Poek van kai nume kawngaih l;awng he,

Kai tloe tah hin roek ka rap khuep.

 

Pangpel va ang swang thaih kawi nih,

Ka vasawng sui nan awm na la,

Sawng thai nawh ah ca khaw kawngaih ai

Haiben huh han hn awm ngaih ai nuem.

 

Kawi vah nan sawng lan thui peh ne,

Na hlo rai ang rem tih na h ne. na awl din g kam at oen mah

N’toei koep de ti na  lah ne.

 

Tui ngoen Nga angla

Tui oen nga ang la zingzawi na thli te,

Kangai tang ki ouh pien.

Huh na nawh lawng sandawng,

Nang oen lung lai hin ka nawm tlaih nawh.

 

Ayeh aw nang coeng lawn tah

nu khueh nawh ai ang ka re ra sut peon aw?

He di lai sawng rai pai phun soep rep Phueloh ca khaw

nang ang kaw daw kung thlan ka huh nawh.

(Nan gang thih tlo kung thlang ka tawng mah nawh).

 

Ayeh nang lawng ca dong tloe nan tlap tak a tah

kai tah kawngaih mueh la ai ang la ka r e ra sut.

Ca dil nang ca ham toe lawng yan cil lah thui seh.

 

Yinthuem ihsap veng ah ka mil lawng kutlaih nawh.

Panpel va ang awng tih noei oen tlan tawm ka hil.

Kai kaw the na tlawng a dip sak ai.

 

Cui Ven kawng Hu

Cui veng kawng hy ruem ka peok veng,

Lungding kawthen nang aui ang la va zal.

Tumding nan lawng ming van ouh la

Raldan sakhi ang voeivoei nan khum tak.

 

Aw me nuem nap ha ka doek lajh ai,

Mel tlaih aoh voeih voeih nan khum tak,

Muithuh nan tak vik ouh poen

Ya oe oe kai van aih he.

 

A yeh nanlawng nan khum tak tih,

Tawlkung ngolhuen hli lawng ding poen.

Mincing ai khawng thlem hmah hlavang veng,

Lungvat awl ding oen ah toie koep lah sui.

 

Asip ahnawt

Lung na he titui ang na tha rih oh poen aw?

Huhai mueh la kahw nan sak tak mai,

Tengvai kha syk halh na nuem na tang na tih kawngaih.

Kai hoet ham na kam hlah.

 

Asip ahnawt ral ral nuem na tawng aw kawngaih noei.

 Lungvat  kawdaw nan toieh na hliu na hlih poen aw.

 Tu ka thum nawh na kawngaih

kai nan mang thawng tak rih ouh poen aw.Mah hih boeih na klhaw sak na thli ka peok veng ah.

Kawngaih nan oeng kai ham rain a la coeng.

Nu oen pa lawng poek tlai naw tih,

na ngaih kai ai ang la re ra sut.

 

He dilai kho then nah oen awmdam na he,

Ka ueh nah poen ca awkawngaih noei.

Ka hing na lawng raipai ang la rem thai kawi nih,

Kai ham yothen su de.

 

Lung vat awlding

Khawhal tue khaw mawng lawng ah,

Noeitlang boeih a thing bal poen,

Thanrah thakva raithak pai lawng pail um bal peon.

Tawl huen thik at la yin yawi thin tlo be rhoep nang oen ah.

Aw tlo tka ki va ral mawl voei na khum tak.

 

Kai teng kah lung van a wl na thui hli te.

Kawngaih tu nuem lung hilh na awk tak.

Na kawngaih nyme ka pha naw kaw daw kung kai ca dah lawng.

Aw tlo tang kik mawl tlang sang voei na khum tak.

 

Rai ang pail um li veng ah rem ham la ka koeih roe nawh.

Cun kung nu oeng pa l;awng dan gnaih li veng ah.

Kawdaw lung ding ding sak kung thin tlo be rope nang oen ah.

Ya oe tu nuem mawl tlang san voei na khum tak.

 

 

Kai Mikphi Baw

Khaw hal tue khaw mawng lawng vayal,

Kai lung ding dip sak kung awm nawh,

Vahlo vango awl lawng va ring

Kai lung ding a van pho sak poen.

 

Me nuem nap ha poen ca kaw ngaih,

Kan tlap kan hnilh thai tlaih nawh,

Na tuem kai lawng ka lam toen khuep,

Huh tuen nah in ka lam toen ai.

Lungding ka ueh tloel sut kawngaih,

Me ti la nuem ka ti ai ca,

Mang ang la na ouh aih ca,

Na tuem/hlo kai lawng ka lam toem khuep

 

Kai mik phi bo he tu la nuem,

Poeih caih mai la kai mikphi he,

Sapthai tlaih nawh aw kawngaih noei,

Muei huh yueng la van ai si ka dan.

 

A tue then hli lawng khum boeih poen,

Mikhoi oen rhah rui la ka lam toen,

Van dawn ah awmgnaih oen huh hih sih,

 

 Saw pathen lawng sam tawm nawh dawng nuem,

Humtun hih mueh la pek hih kai,

Ngaih na lung buei lawng he tlo tang kik,

Me ti la nuem ka ueh thai ai.

Awl nem ca la ja toei na thli,

Ta he tah mang ang la  oeng vik poen,

Awmgnaih ca oen nueih ca na hli te,

Va pho koep veng ah ka ueh thai nawh.

 

Ka hing khui ka I kah thin tlo kung,

Thoel kope de nang kah kawng hu hli te,

Na lungbuei khui ah n’hnilh boel ne,

A ye kai lawng khaw kan hnilh ma nawh.